Pisanik nalunaarsuinnginneq – piniarnermut allagartaqannginneq
Ukiormi piniarfiusumi pisatit inuussutissarsiutigalugu piniartutut sunngiffimmiluunniit piniartutut nalunaarsorsimanngikkukkit ukiumi aggersumi piniarnermut allagartamik pisinnaanavianngilatit.
Sunngiffimmi piniartut 40 procentiinnaasa immersugassaq ukioq naatinnagu immersorsimavaat. Inuussutissarsiutigalugu piniartut pikkorinnerulaarput. 80 procentiisa immersugassartik immersorsimavaat. Amerlasuulli suli immersuisimanngillat.
- Inuit amerlangaatsiartut, piniarsinnaanermut allagartaminnik nassiuffigineqassanngillat ukiumoortumik immersugassaataat APNN-imi pissarsiarineqarsimatinnagit, aalisarnermut piniarnermullu naalakkersuisoqarfik Namminersorlutik Oqartussat nittartakkatigut quppersagaanni allappoq.
Qujanartumilli suli angumerisinnaavat, taamaalillutit piniarsinnaanermut allagartassat ukiup tulliani pisinnaassallugu. www.sullissivik.gl-ikkut imaluunniit naalakkersuisoqarfimmut saaffiginninnikkut pisatit nalunaarsorsinnaavatit.