Politiit ullormut nalunaarutaat: Pinngitsaaliilluni kujannissimasuusorisaq tigusarineqarpoq
Nuummi pinngitsaalineqarluni kujanniffigitissimanermik sapaammi unnukkut nalunaarutiginnittoqartoq, Kalaallit Nunaanni Politiit pigaartuisa pisortaat ataasinngornermi ullaakkut ilisimatitsivoq.
Nuummi politiit pinartoqarneranik nalunaarfigineqareerlutik ornigutilertoramik pinngitsaaliilluni kujannittoqarsimasoq paasinarsisimasoq, politiit pigaartuisa pisortaata ataasinngornermi ullaakkut ilisimatitsissutigaa.
Allattoq Nicole Sander Bertelsen
februaarip 24-at 2025 10:12
Nutserisoq Hanne Petersen
Politiit inummik ikiortarialimmik aqqusinermi siumuisoqarneranik sapaammi unnukkut unnuaq qeqqata qaangilaaraa nalunaarfigineqarput.
- Politiit inummik ikiortarialimmik aqqusinermi siumuiffiusumut ornigutilertoramik pinngitsaalineqarluni kujanniffigitittoqarsimasoq paasinarsivoq. Pinngitsaaliilluni kujannissimasuusorineqartoq tigusarineqartoq, politiit pigaartuisa pisortaat Aputsiaq Hansen oqarpoq.
Suliami tassani misissuisoqaleruttornera pissutigalugu pinerlisarli aamma eqqarsaatigalugu allamik oqaaseqarsinnaanani, taanna aamma oqarpoq.
Politiilli pinngitsaaliilluni kujannissimasutut pasineqarluni tigusarineqartup tigummigallarneqarnissaa siunertaralugu Eqqartuussisoqarfik Sermersuumi ataasinngornerup ingerlanerani sassartitaassangatippaat.
