Danskit ministeriunerata Mette Frederiksenip Kalaallit Nunaat tikeraassagaa

USA-p Kalaallit Nunaat aamma Danmark persariuarsinnarpai, tamannalu ataatsimuulersitsivoq, ministeriuneq oqarpoq.

Danskit statsministeriat Mette Frederiksen (S) Kalaallit Nunaat pingasunngorpamiit tallimanngorneq ilanngullugu tikeraassavaa.

Taama ministeriuneq tusagassiorfinnut nalunaaruteqarpoq.

Taassuma Naalakkersuisut aamma siulittaasussaat Jens-Frederik Nielsen ataatsimeeqatigissavai.

- naalakkersuisooqatigiilersussat siammasissumik pilersinneqarmata, Kalaallit Nunaat pitsaanerpaamik tamat oqartussaaqataaffiannik pilersitsipput, taakkulu piaartumik tikeraarnissai ilassinissaalu pingaaruteqarpoq, ministeriuneq Mette Frederiksen oqarpoq.

-Partiit sisamat siammasissumik Kalaallit Nunaanni Naalakkersuisooqatigiilersussat tallimanngormat ilisaritinneqarput, taakku sapaatit akunnialuini isumaaatigiinniareersullu inissittoqarpoq.

Demokraatit siulittaasuat 33-nik ukiulik Jens-Frederik Nielsen Naalakkersuisuni siulittaasuulissaaq.

Partiit suleqatigiilersussat siammasissut pilersinneqarput USA-p præsidentiata ataasiarani Kalaallit Nunaat aqutseqataaffigerusunneranik oqaaseqareersoq.

Kingullertigut USA-p præsidentiata tullersortaa J.D Vance Kalaallit Nunaannut amerkamiut sakkutooqarfiannut Pituffik Space Basemut tallimanngormat tikippoq.

Nunatsinni Naalakkersuisunngortussat isumaqatigeereersullu akunnialuit

Naalakkersuisunngortussat amerkamiut tikeraarnerat ataqqinninnginnerarlugu oqariartuuteqareerput.

Taama Naalakkersuisunngortussat USA-mi oqartussanut oqariartuuteqarnerat Mette Frederiksenip taperserluinnarpaa.

-Piffissami kingullermi pisut politikkikkut ataatsimuulersitsivoq. Naalagaaffeqatigiinnermi aamma atuuppoq, tamannalu naligiimmik ataqqeqatigiinnerulluinnarpoq, Mette Frederiksen taama nipilimmik tusagassiortunut katersuutsitsinermi oqarpoq.

J.D. Vancep tikeraarnermini danskit oqartussai malinnaalluarsimannginnerarlugit isornartorsiorpai.

-Danmarkimi oqartussanut oqariartuuterput aana: Kalaallit Nunaat inuiaalu iluamik sullissimanngilasi, Vance oqarpoq.

Taama danskit oqartussaasa isornartorsiorneqarnertik naapertuilluannginnerarlugu Mette Frederiksen qisuariarpoq.

-Danskit sakkutooqarnikkut USA ikinngutigaa, ukiorpassuarni aamma piffissani ilungersunartuni ikioqatigiittuupput, Frederiksen taama nipilimmik qisuariarpoq.

Nunanut allanut ministeriata Lars Løkke Rasmussenip (M) isornartorsiutasaoq aaqqiagiivigineqarnissaanut suleqataanissamut piareersimagaluarluni, taama pissuseqartumik -tassa toqqaannartumik saaffigineqannginneq- torernerusumik saaffiginnissuteqartoqarsinnaanerarlugu USA-mi oqartussat isornartorsiorpai.

-Taamatut sakkutooqarnikkut illersornissakkullu iligiit isumaqatigiinniarneq ajorput. USA aamma Danmark suli sakkutooqarnikkut illersornissakkullu qanimut suleqatigiittut isigaakka, Løkke inuit attaveqaqatigiittarfiisa ilaanni videokkut taama oqarpoq.

Danskit ministeriunerat ukiut pingasut matuma siorna tikeraarpoq. Taamani Naalakkersuisuusoq Múte B. Egede ataatsimeeqatigaa.

Aamma Mette Frederiksenip EU-Kommissionip siulittaasuata Ursula Von der Leyenip Kalaallit Nunaat siorna martsimi tikeraarmagu Múte B. Egede ataatsimeeqataavoq.

Illersornissamut ministeri Troels Lund Poulsen (V) Kalaallit Nunaat sapaatit akunnialuit qaangiuppata tikeraarniarlugu, TV 2-mut tallimanngormat oqarpoq.

-Påskertinnagu kalaaleq suleqatiga Vivian Motzfeldt tikeraarniarlugu naatsorsuutigaara, issittoqarfimmi aningaasaliissutit nutaat assigiinngitsorpassuillu pillugit suleqatigiissaagut, Troels Lund Poulsen oqarpoq.