Piniartut nannunit misiligutissanik katersisalissapput
Nannup utoqqaassusia aamma nanoqatigiiaat agguaqatigiissillugu ukiukkuutaartumik “peqqissusiat” kigutaanit tiguneqartukkut takuneqarsinnaassaaq. Oqqamit misiligutit DNA-vi misissueqqissaariffigineqassapput, taamaalillutik nanoqatigiikkuutaat qanoq imminnut attuumassuteqarnersut ilisimatusartut paasisinnaaniassammassuk.
- Misiligutissat nanoqatigiinnik (pissuseqatigiinnik) Canadamik Nunavummilu avitseqatigiissutitsinnut tunngasumik isumaqatigiissimaneq aallaavigalugu nannunniarnerup aqunneqarnissaanut malitsitsiniaanermut pingaarutilerujussuupput. Tamatumani siunissami nanoqatigiinnik piujuaannartitsinissaq nungusaataanngitsumillu piniarneqarnissaasa qulakkeerneqarnissaat siunertarineqarpoq, ilisimatusartoq Malene Simon oqarpoq.
Misiligutit Baffinip Kangerliumanersuani Kane Basinimilu nannut, Nunavummik avitseqatigiiffigisatta amerlassusilerniarneqarneranni nalilersuinermut iluaqutaassasut Pinngortitaleriffimmit ilisimatitsissutigineqarpoq.
Misiligutissanut puussat quppersakkallu ilitsersuutitallit Pinngortitaleriffimmit nassiussuunneqarput. Quppersagaq aamma Pinngortitaleriffiup nittartagaani www.natur.gl -imi aaneqarsinnaavoq.
