Pinerluuteqarsimasunut inissiisarfimmi oquk

Inissiisarfimmiitinneqartut ilaat qulingiluat, inissiisarfiup ilaanut inimut najugaqarfiusumut utaqqiisaagallartumik inissinneqarput, ilaallu qulingiluat illoqarfinni allani inissiisarfinnut inissinneqarallarput.
Allattoq Apollo Jeremiassen
januaarip 11-at 2012 15:35

Inimi najugaqarfiusumi matut igalaallu qajannaarsorneqarsimasut, pinerluuteqarsimasunut inissiisarfimmi ningiuusoq Stine Egede Nørbæk oqarpoq.

Pinerluuteqarsimasunut inissiisarfik inissinneqarsimasunut quliinnarnut naatsorsuussaavoq 18-inillu isersimasuuteqarluni.

Oquk annertuupilussuaq massakkumut uuttorneqarsimasoq titartaasarfimmit Kitaa-nit oqaatigineqarpoq. Titartaasarfiup nalunaarusiaa januaarip naanerani naammassineqassasoq, Stine Egede Nørbækip ilanngullugu KNR-imut oqaluttuaraa.

Nalunaarusisaq naammassineqariarpat qanoq pisoqarnissaa Pinerluttunik Isumaginnittoqarfiup naliliiffigissagaa taassuma aamma oqaatigaa.

Utaqqiisaagallartumik inissiaq atorneqartoq qanoq sivisutigisumik atorneqassanersoq aammalu inissiisarfimmi oquk qanoq annertutiginersoq Stine Egede Nørbækip oqaatigisinnaannginnerarpaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq