Pinerluttuliornerit suli ikiliartorput

Nunatsinni pinerluttuliornerit ikileriaqqissimapput, Nunatsinni Politiit ukiumut kisitsisit atorlugit nassuiaasiorneranni saqqummiunneqaqqammertumi tamanna atuarneqarsinnaavoq. 2015-imi nalunaarutiginninnerit 4.100-t missaannut ikilisimaneri neriulluarnarpoq.

Allattoq Camilla Dam

februaarip 18-at 2016 11:31

Nutserisoq Tikaajaat Kristensen

- 2015-imi suliatta kisitsisinngorneri takugaanni neriulluarniarneq ajornanngilaq. Ukiumut siulianut sanilliullugu pinerlunnerit soorlu, persuttaanerit, toqutseriarnerit, ujajaanerit, tillinniarnerit tillinnerillu ikilisimapput.

- Pinerlunnerit taakku innuttaasunut toqqisisimanngitsitsilersarput, taamaattumillu Nunatsinni Politiinit nuannaarutigaarput tamakku ikiliartormata. Nunarpummi toqqissisimanarsiartuinnarmat, politimesteri Bjørn Tegner Bay tusagassiutinut nalunaarummi allappoq.

Aamma atuaruk Kujataani politiit: Narsami suliffissaaleqinerujussuup kalluagai amerlapput

Aamma atuaruk Politiit ukiumoortumik kisitsisitigut paasissutissaataat nikalluallannartut

Ukiut sisamat kingulliit ingerlanerini unnerluutigininnerit 1.000-it missaannik ikilisimapput.

Nunatsinni Politiit 2015-imut kisitsisit atorlugit nassuiaasiornerat qallunaatuinnaq allaqqavoq, ataatungaanili toortagaq toorlugu takuneqarsinnaavoq.