PAASISSUTISSAT Pinerluttup ingerlaneranit nalunngisagut
Pinerluttup kulturip illua Krudttønden Østerbromiittoq arfininngormat saassuppaa. 13 tiimit qaangiummata politiit immikkut sungiusarsimasullu eqqaasillutik akiuunneranni toqunnginnermini inuit marluk toquppai politiillu tallimat ikilerlugit.
Politiit allallu pinerluttup 22-nik ukiullip ingerlaanneranit paasissutissat saqqummiussaat aajuku:
* Nalunaquttap 14:45 missaani pinerluttup Ekstra Bladet naapertorlugu Facebookikkut quppernermini jihad-videomik ikkussivoq.
* Politiit naapertorlugit nalunaaquttap 15:00 15:30-llu akornanni takunnittut arlallit pinerluttoq Æbeløgademi Østerbromi takuaat.
* Nalunaaqutaq 15:33 arfininngormat ualikkut killiligaanani oqaaseqarsinnaaneq pillugu oqallitsitsinermi Østerbromi ingerlanneqartumi 22-nik ukiulik aallaammik eqqarasuartaammik eqqaassivoq. Unnerluussisussaatitaasut naapertorlugit M 95 automatriffel atorneqarpoq. 55-inik ukiulik toqutaavoq, politiillu pingasut ikiligaallutik.
* Tamatuma kingorna arnap biilia VW Polo tillippaa, qimaanerminilu atorlugu.
* Pinerluttoq Borgervængemukarpoq. Videokkut nakkutilliissutip Borgervængemiittup takutippaa tassanngaanniit Mjølnerparkenimut taxartoq.
* Politiit oqaatigaat Krudttøndenimi saassussineranit Mjølnerparkenimut pineranut ingerlaarneranik paasissutissanik tusarusullutik, inuillu paasissutissanik nalunngisaqarunik saaffiginnissinnaasut.
* Mjølnerparkenimit videokkut nakkutilliissutit takutippaat nalunaaqutaaq 16:15 Mjølnerparkenimut pisoq 16:37-ilu qimallugu.
* Tamatuma kingorna pinerluttoq sumiinersoq nalunarpoq, nalunaaqutaq 22 tungaanut, politiimmi isumaqarput nalunaaqutaq 22 Nørrebromi netcafémut pisoq.
* Angutit marluk 19-inik 22-nillu ukiullit kingusinnerusukkut netcafémi tigusarineqarput. Toqutseqataasut pasineqarput. Politiit isumaqarput angutit taakku marluk 22-nik ukiulik aallaammik pissarsinissaanik ikiorsimagaat. Aammalu, politiit naapertorlugit, saasussinermit siullermit sakkugineqartoq pigiunnaarnissaanik ikiorsimagaat.
* Nalunaaqutaq 22:25 pinerluttup netcafé qimappaa. Politiit pinerluttup netcafémut pineraniit qimannissaata tungaanut takunnissimasinnaasunit ikioqqupput.
* Politiit paaserusuppaat kisimiinnersoq imaluunniit ilagisaqarnersoq.
* Pinerluttup sumunnarnera naluneqarpoq, unnuap qeqqata kingornata tungaanut. Unnuap qeqqata kingorna Københavnip qeqqani synagogep eqqaani eqqartoqarpoq. Juuteq paarsisoq, Dan Uzan, eqqarnermi toqutaavoq politiillu marluk ikiligaallutik.
* Pinerluttoq qimaavoq politiillu naluaat sumiinnersoq nalunaaquttap 4:55 missaata tungaanut. Politiit immikkut sungiusarsimasut utaqqipput. 22-nik ukiulik takkummat nilliaffigineqarpoq. Politiit pinerluttullu akornanni eqqaassilluni akiuunneqarpoq. pinerluttorlu toqunneqarpoq.
* Politiit isumaqarput pinerluttoq piffissap ilaani Nørreportimi Føtexip eqqaaniissimasoq, qassinulli tassaniissimanersoq naluaat.
Paasissutissanik tigusiffiit: Københavns Politi, Ekstra Bladet
/ritzau/
