Pineqaatissinneqarsimasut Nuummiikkusunngitsut

Nuummi pinieqaatissinneqarsimasunut inissiaarfik nutaaq siorna naammassivoq. 

Matoqqasumik immikkoortortaqarfeqalerneratigut, Kalaallit  Danmarkimi  Herstedvesterimiittussanngortinneqartut Nuummut nuunneqarnissaminnut periarfissinneqarput. 

Nuunneqarnermikkut Kalaallit Nunaani ilaquttaminnut  attaveqarfigisaminnullu qaninnerulissallutik. 

Aviisip Politikenip oqaloqatigisai naapertorlugit,  Nuummi pineqaatissinneqarsimasunut inissiisarfimmi, pissutsit ajungaarmata pineqatissinneqarsimasut ilai, Herstedvesterimut uternissaminnut kissaateqarsimaput.

Nuummi pineqaatissinneqarsimasunut inissiisarfimmi sulisut nakkutilliisullu misilittakkamikkut sulisussatigullu amigarnerat, pitsut ilungersunarnerannik pilersitsimasut, Danmarkimi parnaarussivinni sulisut kattuffianni Fængselsforbundetimi allatsi,  Réne Larsen, aamma Kalaallit Nunaanni sulisunut akisussaasuusoq isumaqarpoq.

AAMMA ATUARUK Lektori: Nunatsinni ikorfartortissaaleqineq ajornartorsiutaavoq

Inissiisarfimmi nukittunerit aqutsisuusimagunarput, ikiaroornartumimmi hashimik atuineq ajornartorsiutaasorujussuuvoq.

- Pissutsit imaanngitsorujussuupput. Danmarkimi pissutsit taamaakkaluarpata, sullivinnik nakkutiliisoqarfiup  pineqatissinneqarsimasunut inissiisarfik matusimassagaluarpaa, René Hansen aviisimut politikenimut taama oqarpoq. 

Københavnimi Kalaallit Illuutaanni paaraarussanut ikorfartuisunut ataqatigiissaarisumit Susanne Jensenimit aamma SF-imi inatsiseqarnermut oqaaseqartartumiy  Karina Lorentzenimit Rene Hansenip isornartorsiunera taperserneqarpoq.  

Pineqaatissinneqarsimasunut inissiisarfittaami pisutsit pillugit KNR siusinnerusukkut allaaserisaqarnikuuvoq, tamannalu parnaarussivimmi sulisut kattuffiannit Fængselsforbundet-imi isumakulutitsivoq.

Marluk kissaateqartut

Aviisip Politikenip allaasserisaa naapertorlugu, kalaallit Danmarkimi parnaarussivimmiitut qulit Nuummi Pineqaatissinneqarsimasunut inissiisarfimmut nuukkusussimapput. 

Kalaallit Herstedvesterimiittut affai ataallugit nuukkumasimapput. 

Parnaarussat arfineq pingasut Nuummut nuupput, taakkunannga marluk Danmarkimut uternissaminik kissaateqarput. 

Kalaallit Nunaanni pinerluttunik isumaginnittoqarfimmi pisortaq Naaja H. Nathanielsen isornartorsiunerit pillugit paasitinneqarnikuuvoq,  pineqaatissinneqarsimasunulli inissiisarfimmi pissutsit  paatsiveqannginnerarlugit  oqarneq eqqunngitsuunerarlugu.