Pilersuisup kaaviiaartitai 42 millionit koruuninik ikileriarput
Ukiumoortumik nalunaarut 2010-mut tunngasoq suli saqqummiunneqanngikkaluarpoq, kisianni Pilersuisup 2010-mi ukiup affaanut nalunaarutaani erserpoq, Pilersuisoq unammillernartumik inissisimasoq.
Nunaqarfinni avinngarusimasunilu aningaasaqarnikkut ineriartorneq, illoqarfinni aningaasaqarnikkut pitsaasumik ineriartortoqarneranut sanilliullugu, ajorluinnarmat.
Tassanunaqarfiit illoqarfiillu avinngarusimasuniittut Pilersuisoqarfiit katillugit 68-iusut inui 1.500-nik ikinnerulersimapput, tamatumalu kingunerisaanik Pilersuisoq pissutsinut nutaanut naleqqussaasariaqalerluni.
2010-mi ukiup affaanut nalunaarutini pilersaarutigineqartuni allassimavoq, Pilersuisup pigisani aningaasarsiornikkut pitsaasumik iluaqutiginngisani tuniniassagai aamma sullissinermigut sulisoqarnermigullu sipaarniuteqassasoq.
Inuit 50-60-it ukiumut suliarisinnaasaasa nalinginik sullissinikkut sulisoqarnikkullu maannamut sipaarniartoqareersoq, KNR-imit paasineqarpoq.
