Piniartut Pikialasorsuaq pillugu ernumasut

Avanersuarmi piniartut silap pissussiata allanngorneranit eqqugaapput. Imartaq Nunatta Canadallu akornanniittoq Pikialasorsuaq allannguuteqarpat piniartut siunissamut ernummateqarput. 

Aamma atuaruk Naggueqatigiit Inuit Pikialasorsuaq namminneerlutik aqukkusukkaat

- Ukiut 24-it ingerlaneranni nikeriarneq annertooq uagutsinnut assut sunniuteqarpoq oqimaatsorujussuullunilu, Rasmus Avike taama oqarpoq. 

Silap pissusiata allanngorneratigut piniakkat piniarneqartarnerinut inatsisit naleqqussarneqarsimanngitsut Rasmus Avikep oqaatigaa.

- Aappaatigut unammillernarpoq inatsisit allanngortinneqarneq-ajoramik, silap pisussianut Avanersuarmilu pissutsinut naleqqutinngitsut, Rasmus Avike oqarpoq. 

Pingaartumik timmissat Qaanaap eqqaanut tikittarnerisa allanngornerat piniartunit malugineqarput.

Aamma atuaruk Pikialasorsuaq pillugu ICC-p isumalioqatigiissitaliai aallartilluarput

- Timmissat amerlanersaat Aavanersuarmut tikeraliinnartut juunip 15-ani piniarneqarnerat matusarpoq, timmissallu amerlanersaat aggustimi Avanersuarmit aallartarlutik.  

Rasmus Avike Qaanaami Aalisartut Piniartullu peqatifigiiffiannit tapersersorneqarpoq. 

Siulittaaoq Mads Ole Kristiansen aalisartut piniartullu ulluanni pilluaqqussuteqarluni tusagassiorfinnut nalunaaruteqarluni allappoq, silap pissusiata allanngorneranit eqqugaaneq annertummat piniakkanik killilersuineq Avanersuarmi atorunnaarsinneqartariaqartoq. 

Silap pissussiata allangornerata piniakkanut sunniutai siunissarlu Rasmus Avikep ernumanartoqartippai.

- Kingullissagut eqqarsaatigalugit ernumanartorujussuuvoq.

- Oqartussaasut uagullu oqaloqatigiittariaqarpugut. Sikuerukkiartortoq pillugu itisilernerullugu oqaloqatigiittariaqarpugut. Isumasioqatigiinnikkut siunissami oqinnerusumik atugaqarnissaq pillugu oqaloqatigiittoqartariaqarpoq, Rasmus Avike oqarpoq. 

Aamma atuaruk WWF Pikialasorsuaq pillugu immikkut sammisaqartitsilersoq

Imartaq Nunatta Canadallu akornanniittoq Pikialarsorsuaq pillugu Pinngortitaq pillugu nunarsuaq tamakkerlugu suliniaqatigiiffiup WWF-ip Nuummi Katuami saqqummiussineranut atatillugu, piniartup Rasmus Avikep piniartut Qaanaap eqqaani atugaat saqqummiuppai.