Kaali Lund Mathæussen arfininngorneq martsip arfernat apuunnerminiAssi: Bent Petersen

Piareersarneq: Aajuku Avannaata Qimussersuinut annguttut siulliit

Qimmit akiuussutissalerneqarsimanngitsut pissutigalugit Iluliarmiut inissanik pissarseqqipput Avannaata Qimussersuini martsip 27-at sukkaniuttoqalerpat

Qimussimik sukkaniunnissarsuarmut Avannaata Qimussersuinut piareersarnerit ingerlallualeruttorput.

Sukkaniunnissarsuarmut sumiiffinni arlalinni anngunniulluni sukkaniunnerit arfininngorneq martsip arfernat pipput.

AAMMA ATUARUK Tunumiut Avannaata Qimussersuini peqataassanngillat

Kaali Lund Mathæussen siullerpaamik Ilulissani anngunniuttoqarnerani ajugaasuuvoq minutsi ataallugu Frederik Mathiassenimiit aamma Ilannguaq Berthelsenimiit sukkanerulaarluni.

75-nik ukiulik Ville Siegstad suli sukkanernut ilaavoq normu 4-nngorami.  Ville Siegstad qimussertartut kattuffianni KNQK-mi ataqqinaammik ilaasortaavoq 1975-miillu sukkaniuttartuulluni.

Avannaata Qimussersuinut annguttut
Qaanaaq:


1. Qillaq Kristiansen
2. Igaja Alataq
3. Sofus Alataq

Ilulissat:

1. Kaali Lund Mathæussen
2. Frederik Mathiassen
3. Ilannguaq Berthelsen
4. Ville Siegstad
5. Salik Fly
6. Kim Hansen
7. Minik Olsvig Svendsen
8. Ilaatsunnguaq Berthelsen
Kangaatsiaq området
1. Thomas Inuusuttoq (Ikerasaarsuk)
2. Berthel Wille (Niaqornaarsuk).

Sisimiut:

1. Kristian Lundblad
2. Hans Johan Kristensen
3. Nukaaraq Lennert Olsen

Ilulissani qimussertartut peqatigiiffiat Qimussersaq 71 ukiormanna ukiunik 50-nngortorsiorpoq taakkulu aaqqissuisutut nalliuttorsiortutullu Avannaata Qimussersuinut inissanik pingasunik immikkut tunineqarput inissat pissarsiareriikamik tallimaasut saniatigut.

Inissat taakku periarfissaalerput tunumiut Aasiammiullu peqataasinnaajunnaarmata qimminik suli akiuussutissalersuisimannginneq pissutigalugu.

Qimmit inatsisit malillugit qimmit nappaataannut aamma parvovirusimut akiuussutissalersimasussaapput sukkaniunnissarsuarli sioqqullugu akiuussutissalersuinissaq angumerineqarani.

Oqaluttuarisaanermi siullerpaaq

Avannaata Qimussersuini 1988-mi aallartimmalli avanersuarmiut siullerpaamik peqataasussanngorput.

Arfininngormat anngunniunnermi Qillaq Kristiansen ajugaavoq inissallu marluk sinnerinik pissarsisut tassaapput Igaja Alataq aamma Sofus Alataq.

 

- Naluarput sukkaniuttartuvut sumiiffinnut allanut sanilliullutik qanoq sukkatiginersut. Sanilliussinissaq aamma ajornakusoorpoq peqataatitassavut maneraannakkut sukkaniummata sumiiffinni allani majoqqat aqqusaartarlugit sukkaniuttut, Qaanaami qimussertartut peqatigiiffianni Qimuggermi allatsi Nuka Kristiansen oqarpoq.

Avannaata Qimussersui llulissani martsip 27-at sukkaniutissapput.

Meeqqallu Avannaata qimussersuaaraani martsip 23-at sukkaniutissallutik.

AAMMA ATUARUK Aasiammiut Avannaata Qimussersuinut peqataassanngitsut

Upernavimmiut Saqqaq-Qeqertarmiulu arfininngorneq martsip 13-at anngunniutissapput. Uummannap sulluamiut anngunniunnissaat suli ullulerneqanngilaq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat