Pfizerip coronavirusimut akiuussutissat nassiuniakkani affaannanngortikkai
Amerikamiut nakorsaasiorfiata Pfizerip coronavirusimut akiuussutissaqartitsiniartuni nunani killerni siullersaalluni akuerisaasup akiuussutissanik 2020-mi nassiuniakkami amerlassusissaannut anguniakkani affaannanngortippaa.
Wall Street Journal nutaarsiassaqartitsivik Reuters naapertorlugu nunatsinni sisamanngornermi unnukkut taama allappoq.
Akiuussutissiornermi kinguaattoorneq tamatumunnga pissutaavoq.
AAMMA ATUARUK Tuluit coronavirusimut akiuussutissamik nunani killerni siullersaallutik kapitissinnaalissasut
Pfizer tyskit ingerlatseqatigiiffiat Biontech suleqatigalugu akiuussutissamik ineriartortitsivoq. Ingerlatseqatigiiffinnit taakkunanit akiuussutissanik 100 milliuuninik 2020-mi nassiussinissaq neriuutigeqqaaraluarpaat.
Akiuussutissanilli 50 milliuuninik nassiussinissaq maanna pilersaarutigilerpaat. Inuit covid-19-imut illersorneqartussat akiuussutissamik marloriarlutik kuppilersittassapput.