Peruluttut timmisartoqqusiunnaajunnaarnermit eqqugaapput

Napparsimasut peruluttut 10-it 15-illu akornanniittut Islandimi qaqqap innermik anitsinerata malitsigisaanik, timmisartorsinaajunnaarnermit eqqugaapput.

Nakorsiat taakkua Danmarkimi katsorsarneqarnissaat pilersaarutaagaluarpoq.

Pissutsit ullormiit ullormut malinnaaffigineqartut aamma Air Greenland attaveqarfigineqartuartoq, Peqqinnissaqarfimmi naalakkersuisoqarfimmi pisortaq Ann Birkekær Kjeldsen oqarpoq.

Inuit qulit 15-illu akornanniittut Danmarkimi katsorsarneqartussaagaluartut tassaapput uummammikkut nakorsarneqartussat aamma kræfterlutik nakorsarneqartussat. Kisianni tassa Dronning Ingridip Napaasimavissuani illoqarfinnilu assigiinngitsuni napparsimavinni utaqqipput.

- Uummamminnik nakorsarneqartussanik kræftertunillu sapaatit akunneri tamaasa Danmarkimut aallartitsisarpugut, timmisartoqarsinnaannginneralu pissutigalugu nakorsarneqarnissaraluat kinguartinneqarmat ilungersunaqaaq. Aammami tallimanngormat ajornartorsiornitsinni napparsimaruluttunik Islandimut aallartitsisariaqarsimavugut. Tassa pilersaarutaanngitsumik nunanut allanut aallartitsisariaqartaraangatta peruluttup inuunerata ulorianartorsiunnginnissaa qulakkeerniarlugu taamaaliortariaqartarpugut, Ann Birkekær Kjeldsen oqarpoq.

- Innermik anitsisup qullaatsitai silaannakkut angalaniarnermut ajornartorsiutaaginnassappata Canadami peqqinnissakkut oqartussanik suleqateqarnissaq siunertaralugu danskit Ottawami aallartitaqarfiat attaveqarfiginiarpaat. Kisianni taamaattoqassappat siunissami ungasinnerulaartumi aatsaat pissaaq, Canadami napparsimavissuit immikkut ilinniarsimasunik nakorsallit illoqarfinni angisuuniimmata nunatsinniit ungaseqalutik.

- Periusissatut pilersaarutigaarput napparsimasut Islandimut aallartittassallugit. Tamannali ajornarsissappat taava Norgemi periarfissarsiussaagut. Canada periarfissaq allaasinnaavoq, kisianni Norge nunat avannarlæiit isumaqatigiissutaannut atsiornikuuvoq, taamaammallu napparsimasut Norgemi nakorsarneqartut Norgemiusorpiaq pineqartarmata tamanna pilerinarneroqaaq, naalakkersuisoqarfimmi pisortaq Ann Birkekær Kjeldsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat