Danmark Persuttaallutik toqutsisimasutut pineqaatissinneqartut pillaatissaat aalajangersarneqartoq
Pineqaatissinneqartut pingajuata, angutip 41-nik ukiullip, pinngitsuutinneqarnissani pillugu Vestre Landsrettimut septembarimi suliareqqitassanngortitsivoq, 41-nilli ukiulik ukiuni arfinilinni parnaarussassanngortinneqartoq, Aviisi Vejle Amts Folkeblad septembarimi taama allaaserisaqarpoq.
Angutip qatanngunnilu arnaq soralussanilu angut inuusuttoq tyskeq persuttarpaat toqutsimasutullu januaarimi pineqaatissinneqarlutik.
AAMMA ATUARUK Angutip 41-nik ukiullip persuttaalluni toqutsinermut pinngitsuutinneqarnissani piumasarigaa
Angut kalaaleq ukiuni arfinilinni parnaarussassanngortinneqarluni Vestre Landsrettimit septembarimi pineqaatissinneqarpoq.
Angut 41-nik ukiulik suliap ingerlanera tamaat pinngitsuunerarpoq. Taassuma nassuiaatigaa angutip persuttarneqarnerata nalaani inimiissimalluni, Tysklandimiorlu arnamit, taassumallu erneranit igaffimmi persuttarneqartoq.
Pineqaatissinneqartut marluk allat, angutip aleqaa 52-inik ukiulik ukiuni arfinilinni parnaarussassanngortinneqarpoq, arnallu ernera 22-nik ukiulik ukiuni arfineq-marlunni parnaarussassanngortinneqarluni. Taakku suliareqqitassanngortitsinngillat.
