Angutip 41-nik ukiullip persuttaalluni toqutsinermut pinngitsuutinneqarnissani piumasarigaa

Kalaallit pingasut angummik Tysklandimeersumik persuttaallutik toqutsisimasutut Vejlemi ukioq manna pineqaatissinneqarput.
Assi © : Blogtrepreneur/Flickr Creative Commons
Allattoq Anton Gundersen Lihn
septembarip 05-at 2018 13:02
Nutserisoq Mads Lynge

Pineqaatissinneqartut pingajuata, angutip 41-nik ukiullip, pinngitsuutinneqarnissani pillugu suliareqqitassanngortitsivoq, suliarlu ataasinngormat aallartilluni. Aviisi Vejle Amts Folkeblad taama allaaserisaqarpoq.

Angut 41-nik ukiulik ukiuni arfinilinni parnaarussassanngortinneqarpoq. Pineqaatissinneqartut marluk allat, angutip aleqaa 52-inik ukiulik ukiuni arfinilinni parnaarussassanngortinneqarpoq, arnallu ernera 22-nik ukiulik ukiuni arfineq-marlunni parnaarussassanngortinneqarluni. Taakku suliareqqitassanngortitsinngillat.

Vejlemi inissiat ilaanni nakuusertoqarneranik kingunilimmik assortuuttoqalersimasoq Vejle Amts Folkebladip allaaseraa. Angut Tysklandimeersoq 50-inik ukiulik persuttarneqarnermi kingorna toquvoq.

Angut 41-nik ukiulik suliap ingerlanerata tamaat pinngitsuunerarpoq. Taassuma nassuiaatigaa angutip persuttarneqarnerata nalaani inimiissimalluni, Tysklandimiorlu arnamit, taassumallu erneranit igaffimmi persuttarneqartoq.

Eqqartuussivitsigut suliareqqitassanngortitsineq ullumi pingasunngornermi aqagulu sisamanngornermi nanginnneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq