Los Angelesimi oqaluffimmi aallaasersortoqarnerani toqutaasoqarlunilu aqqunartitertoqartoq
Inuup ataatsip Californiami Los Angelesip kujasissortaani oqaluffiit ilaanni ulloqeqqasiortut sapaammi aallaasersorfigai.
Inuk ataaseq aallaasersortoqarnerani toqutaavoq, inuillu sisamat allat aqqunartiterlutik.
Inuit eqqorneqartut 66-it 92-illu akornanni ukioqartut, Taiwanip nunanut allanut tunngasunut ministereqarfiata ataasinngornermi ilisimatitsissutigaa. Eqqorneqartummi tassaapput Taiwanimiut Kinamit kingoqqisut.
AAMMA ATUARUK Joe Bidenip aallaasit assigiinngitsut inerteqqutigilersinniarai
Angut Asiamit kingoqqisoq 60-it sinnerlugit ukioqartoq tigusarisimallugu, Los Angelesimi politiit ilisimatitsipput. Angut taanna aallaasersortutut pasineqarpoq.
Naalagaaffimmi New Yorkimi illoqarfiit annerit ilaanni Buffalomi aallaasersortoqareersorlu Los Angelesimi aallaasersortoqarpoq. Inuit qulit Buffalomi toqutaapput, amerlanerit taartumik amillit.
Aallaasersortutut pasineqartoq 18-inik ukiulik, ammit qalipaataannik assigiinngisitsiniartutut pasineqarpoq, tamannalu tunuliaqutaralugu aallaasersortuunerarneqarluni.