Perorsaanermik Ilisimasaqarfik ammarneqalerpoq

Meeqqerivinni meeraaqqivinnilu meeqqat paarineqaraagata, piffinni ilisimasaqarluassuseq ammalu perorsaasut ilinniarsimasaat aallaavigalugit ingerlanneqassaaq. Inunnik Isumaginninnermut Sammisumik Perorsaanermi Ilisimasaqarfiup Ilulissani ullumi ammarneqartussap ilaatigut tamakku siunertarai.

Perorsaasut ilinniartinneqartarnerat ukiut marluk matuma siorna allanngorrtinneqapoq perorsaanermi bachelorinngortoqarsinnaalerluni.

Ilinniakkap taaguutaata allanngortinneratigut perorsaasunngorniartunut ilinniartitsisut piffinni ataasiakkaani pissutsinik ilisimatusartalissapput. Ilisimatusaatillu paasisat ilinniartunut ingerlateqqinneqartassallutik, Inunnik Isumaginninnermut Sammisumik Perorsaanermi Ilisimasaqarfiup rektoria, Nuka Kleemann oqarpoq:

- Aallartinnissara qilanaaraara. Ullumikkut piffinni ataasiakkaani ilisimatusaatit amigaatigaagut. Perorsaasunngorniat ilinniartut allaaserisat, Kalaallit Nunaannut attuumassutillit maqaasivaat amigaatigalugillu, Nuka Kleemann oqarpoq.

Ilisimatusarfiup suliassarai suliassaqarfiit meeqqanut inuusuttunullu tunngasut, innarluutillit aamma inuiaqatigiinni avinngarussimnasutut inissisimasut aamma inunnik isumaginninnermut sammisumik perorsaanermik nalunaarsuineq aammalu periaatsinik ineriartortitsineq.

Ilisimatusarfimmik ammaaneq pisortatigoortumik nalunaaqutaq ataatsinut aallartissaaq.