Permagreen Grønland A/S nutaamik piginnittoqalersoq
- Aaqqissuussineq nutaaq ulluinnarni ingerlatsinermut imaluunniit aqutsisunut sunniuteqassanngilaq, aamma Permagreen suli ilisimaneqartutut Kalaallit Nunaanni attuumassuteqarluni ingerlaannassaaq.
Permagreenimi pisortaaneq Jeppe B. Steffensen taama oqarpoq.
Permagreen tusagassiutinut nalunaarummi taama oqarpoq.
AAMMA ATUARUK Nunanit allaneersut suliartornissaannut suliat sukkanerunissaat sanaartornermut iluaqutaassaaq
Permagreen qitiusumik Nuummi qullersaqarfeqarpoq, Sisiminilu, Maniitsumilu, Narsamilu Qaqortumilu immikkoortortaqarfeqarluni.
Permagreen 350-inik sulisoqarpoq, inissianik, paaqqinnittarfinnik fabrikkinillu ilaatigut sanaartortarluni. Piginnittullu allanngornerat ulluinnarni ingerlatsinermut sunniuteqarnavianngitsoq Jeppe B. Steffensenip oqaatigaa:
- Suliffeqarfiup allanit piginnittoqalernera sulisut annertunerusumik maluginavianngilaat.
- Suliffeqarfimmilli iisimasanik allanik peqartoq, allatigullu pikkoriffeqartoq soorunami suleqatigilerparput, matullu allat Permagreenimut maanna ammarput, taanna oqarpoq.
Suliniutit annerit suliarilissangatikkaat
Periarfissat suunersut aperivugut, imatullu akivoq:
- Suliarisartakkatsinnit allaanerusunik suliaqalersinnaavugut, suliniutit annerit, Jeppe B. Steffensen oqarpoq.
Piginneqataassutinik maannamut piginnittoq Preben Kold Larsen Permagreenimi aappaagu juunip tungaanut ingerlaannassaaq, siunnersortitullu taassuma kingorna atorfeqalissalluni.
Kinguaariit nikittut
Per Aarsleff Holding A/S-ip Permagreen Grønlandimik piginnittuulernera unammilleqatigiinnermut oqartussanit akuerineqaqqaartussavoq.
Aarsleffilli Permagreenimi piginneqataassutit 70 procentii maanna pigilerpai, Permagreenimili pisortaaneq Jeppe B. Steffensen, ingerlatsinermilu pisortaq Jesper J. Petersen tamarmik immikkut 15 procentinik piginnittuulerlutik.
