Peqquserluttuliortoqarnerata paasineqarnerata kingorna: Illersornissamut ministerip nunatsinnukarnissani kinguartippaa

Illersornissamut ministerip, Trine Bramsenip Illersornissamut ministereqarfiup Illuutaanik Aqutsisoqarfimmi nakkutiginninnerit amigaataanerat peqquserluttoqarsimaneralu pissutigalugit nunatsinnut sapaatip akunnerata tulliani angalanissamut pilersaarutini kinguartippai.
Illersornissamut ministereqarfiup illuutaanik aqutsisoqarfik Naalagaaffiup kukkunersiuisuinit kukkunersiuisuunermillu tallimanngornermi isornartorsiorneqangaatsiarpoq, tamannalu pissutiglaugu ministerip nunatsinnut ataasinngornermi marlunngornermilu tikeraarnissaraluani illersornissaqarfimmi suliap erseqqissilluarneqarnissaa pissutigalugu taamaatippaa. Assi © : Forsvarsministeriet
Allattoq Ritzau
decembarip 07-at 2019 16:42
Nutserisoq Connie Fontain

Illersornissamut ministerip, Trine Bramsenip (S) Illersornissamut ministereqarfiup illuutaani aqutsisoqarfimmi amigartumik nakkutiginnittoqarnera peqquserluttoqarneralu pissutigalugit nunatsinnut angalanissani kinguartippaa.

Illersornissamut ministereqarfik tusagassiuutinut taama nalunaaruteqarpoq.

Illersornissamut ministereqarfiup illuutaanik aqutsisoqarfik Naalagaaffiup kukkunersiuisuinit kukkunersiuisuunermillu tallimanngornermi isornartorsiorneqangaatsiarpoq, tamannalu pissutigalugu ministerip nunatsinnut ataasinngornermi marlunngornermilu tikeraarnissaraluani illersornissaqarfimmi suliap erseqqissarluarneqarnissaa pissutigalugu taamaatippaa.

- Illersornissamut ministereqarfiup Illuutaanik Aqutsisoqarfimmut ilungersunartorujussuarmik isornartorsiuisoqarpoq.

- Suliaq tamanna ilungersunartorujussuarmik tiguara – suliamilu sukkanerpaamik qulaajaaqqissaaarusuppunga torersaallungalu. Ministereqarfiup suliamik isumaginninnera aamma taamaappoq, Trine Bramsen oqarpoq.

AAMMA ATUARUK Danskit illersornissamut ministeriat Trine Bramsen nunatsinnut tikeraalersoq

- Tamannali pissutigalugu Kalaallit Nunaannut sapaatip akunnerata tulliani tikeraarnissannik ajoraluartumik taamaatitsisariaqarninnik kinguneqarpoq, tassani danskit sakkutuut kalaallillu politikerit pulaartussaagaluarpakka. Neriuppunga ukiumi nutaami Kalaallit Nunaannukarsinnaassallunga.

Illersornissamut ministereqarfiup illuutaanik aqutsisoqarfik oqartussanut Illersornissamut ministereqarfiup ataaniittunut kiffartuussinermik ineriartortitsinermillu ingerlataqarpoq.

Aqutsisoqarfimmi sulisut marluk pisisarnermut atatillugu millionilikkaanik peqquserluuteqarsimasinnaasutut pasineqarput, tamanna sisamanngornermi tamanut saqqummiunneqarpoq.

Naalagaaffiup kukkunersiuisuisa nalunaarusiornermini pisinernit misissorneqartunit 64-init 54-it kukkuneqartut paasivaat.

Assersuutigalugu Illersornissamut ministereqarfiup illutaanik aqutsisoqarfiup 291 millionit koruunit 2018-imi decembarimi atorpai, aningaasat taakku ukiup tamaanut missingersuutigineqartut affaanit amerlanerupput.