Peqqissaasut nunanit allaneersut oqaatsitigut piginnaanngorsarneqartarput
- Maanngaanniit misilittagaareersut takutippaat peqqissaasut danskisut kalaallisullu oqalussinnaanngitsut, atorfininnerminni ilinniarsimanngitsutut aallartittartut, oqaatsimikkut piginnaasaqarlualernissamik tungaannut. Taamaattumik pingaartinneqarpoq oqaatsitigut piginnaasaqalereersimanissaq atorfinitsitsinissaq sioqqullugu, Peqqinnissamut naalakkersuisoq Agathe Fontain, Inuit Ataqatigiit sinnerlugit inatsisartunut ilaasortap Isak Hammondip §36 najoqqutaralugu apeqquteqaataanut akissummi ilaatigut allappoq.
Peqqinnissaqarfimmi sulisunik atorfinitsitsiniarnermi peqqissaasut, nakorsat ernisussiortullu nunanit avannarleneersut peqqinnissaqarfimmiit taamaammat immikkut ittumik alaatsinaanneqarsimapput, atorfinitsinneqartartut nunanit avannarlerneersut Nakorsat qullersaannut qinnuteqareernermikkut ingerlaannartumik sulisinnaatitaalersinnaammata.