Peqqinnissaq pillugu ilisimatusartoqalerpoq
Tapiiffigineqartumik ilisimatusarfigineqartussanut ilaapput inalukkakkut kræftertarneq, iviangikkut kræftertarneq aamma kalaallit siffissakkut napisinnaasarnerat.
Nakorsat, sullivinni peqqissutsimik suliaqartut, aalisakkanik suliffissuarni sulinermi ajoqusertarneq pillugu ilisimatusarnissaminnut aamma taperneqarput.
Aamma atuaruk Ukiormanna kapisilinniarneq tallimanngorpat unissaaq
Qinnuteqartut amerlanerat Doris Jakobsenip nuannaarutigaa, tamarmilli taperneqarsinnaasimannginerat ajuusaarutigalugu.
- Ajuusaarnaraluarpoq qinnuteqartut tamaasa tapiiffigisinnaannginnatsigit, qinnuteqartorpassuugaluarput tapiissutissalli killeqarnerat aporfiusimavoq. Taamaattorli neriuutigaara peqqinnissaq pillugu ilisimatusarnerup nukittorsarneqarneranik soqutiginninneq minnerulissanngitsoq, peqqissutsimut naalakkersuisoq, Doris Jakobsen tusagassiuutinut nalunaarummini allappoq.
Aamma atuaruk Ilinniartut quuisa misissorneqartalernissaat akerlerigaat
Kingusinnerpaamik marsip aallaqqaataani 2016 tapiissutinik qinnuteqartoqaqqissinnaasoq, peqqinnissamut naalakkersuisoqarfik nalunaarpoq.