Peqqinnerusumik inuuneqalersitsiniaqatigiissapput
Issittumi nunat peqqinnissakkut arlalippassuartigut ataatsimut unammilligassaqarput. Tamakku ilaatigut tassaallutik inooriaatsimik patsiseqartumik nappaatit amerliartornerat, nappaatit tunillaassuuttut siaruaakkiartornerat, tarnikkut nappaatit, atornerluineq imminullu toquttarneq.
Pitsaaliuineq, qarasaasiaq atorlugu nakorsiartitsineq ilisimatusarnerlu eqqarsaatigalugit, issittumi nunat akunnerminni annertuumik ilinniarfigeqatigiissinnaapput. Tarnikkut nappaatit katsorsarneqartarnerat, atornerluinerup imminullu toquttarnerup pinaveersaartinniarnerat misilittakkanik ilisimasanillu paarlaasseqatigiinnikkut piginnaassutsinik ineriartortitsinissamik kissaateqarfiusuttaaq ilagaat.
Periaatsinik iluaqutaasussanik pitsaanerpaamik paarlaasseqatigiittarnissaq, peqqissuunissap pinaveersaartitsinerullu ilisimatusaatiginerisa issittumi nunat inuiinut tunngatinneqarnissaat isumaqatigiissummi isumaqatigiissutaapput.
- Ilinniarfigeqatigiissinnaaqaagut, ataatsimiinnerlu ileqquulersussamut aallaniutaassasoq neriunarpoq, Naalagaaffimmi pissutsinut peqqissutsimullu Danmarkimi ministeri, Bertel Haarder, ataatsimiinneq naammassimmat oqarpoq.
