Peqqarniitsumik saassussillutik toqutsisimasutut unnerluutigineqartut pineqaatissinneqartut
Angut 42-nik ukiulik angummik 20-nik ukiulimmik toqutsisimasutut unnerluutigineqarluni piffissami killigaanngitsumi paarisassanngortinneqarpoq, angutillu allat pingasut ukiuni aqqaneq-marlunni parnaarussassanngortinneqarlutik. Angut inuusuttoq Skagenimi angerlarsimaffimmini siorna januaarimi toqutaavoq.
Hjørringimi Eqqartuussiviup eqqartuussut ullumi ataasinngornermi nalunaarutigaa, Nordjyske taama allaaserisaqarpoq.
Angutit sisamaasut angut inuusuttoq niaquatigut timaatigullu ilaatigut nukkassaatit kivittakkat, anaalerut, nukkassaatit kivittakkat atortui allat issiavillu atorlugit persuttarlugu toqutsisimasutut eqqartuunneqarput.
Aammattaaq angut 20-nik ukiulik savissuarmik, ukusartumik qiuutinillu qitiatigut kapoorsimavaat.
Angut taamatut persuttagaanermigut qaratsamigut aanaartoorpoq, niaqqumi saarngatigut innarlerluni kiisalu aamma kiinnami saarngisigut innarlerluni. Annaassiniartartut inissiaanut takkummata ilisimajunnaaqqavoq ullullu marluk qaangiummata aqqunartitersimanini toqqutigaa.
AAMMA ATUARUK Angutit sisamat Skagenimi peqqarniitsumik saassussillutik toqutsisimasutut pisuutinneqartut
Motivet for den brutale vold var ifølge anklagemyndigheden, at offeret tidligere havde givet ketamin til en af de nu dømte mænd.
Stoffet bruges blandt andet til bedøvelse af dyr. Og da manden skal have indtaget stoffet, blev han lam i benene.
Det fik altså de fire mænd mødes og aftale det voldsomme overfald på den 20-årige i hans eget hjem, fremgår det af anklageskriftet.
AAMMA ATUARUK Angutit sisamat toqutsisimasutut unnerluutigineqartut
Unnerluussisussaatitaasut naapertorlugit taama peqqarniitsigisumik persuttaasoqarneranut toqutaasup angutit maanna parnaarussassanngortinneqartut ilaannut ketaminitortitsisimanera pissutaatinneqarpoq.
Ketamin ilaatigut uumasunut ilisimajunnaarsaatitut atorneqartarpoq. Angut ketaminitorami nissuminik nukillaartoorpoq.
Tamannalu pissutigalugu angutit sisamat naapipput angutillu 20-nik ukiullip angerlarsimaffiani sakkortuumik saassunnissaanik isumaqatigiillutik, unnerluussummi tamanna atuarneqarsinnaavoq.
Angutit 20-nik, 28-nik, 29-nik 42-nillu ukioqarput, eqqartuussinerullu ingerlanerani pinngitsuunerarput ilaminnillu pisuutitsiniarsaralutik.
Ullormi toqutsiffiusumi qanoq pisoqarsimaneranik angutit assigiinngitsunik nassuiaateqarsimapput.
Angutip sorliup toqqutigineqartumik persuttaasimanera Hjørringimi Eqqartuussivik naapertorlugu erseqqissumik oqaatigineqarsinnaanngilaq.
Eqqartuunneqartut unnerluussummut pinngitsuutinneqarnissaminnik piumasaqaateqarlutik eqqartuussut nunap eqqartuussisuuneqarfianut suliareqqitassanngortippaat.
/ritzau/
AAMMA ATUARUK Kalaallip Skagenimi toqutaanera pillugu suliami tigusaasoqaqqittoq
AAMMA ATUARUK Skagenimi toqutsineq sumiuussutsimut tunngassuteqanngilaq
