Angutit sisamat Skagenimi peqqarniitsumik saassussillutik toqutsisimasutut pisuutinneqartut
Nordjyske taama allaaserisaqarpoq.
Angutit januaarip 16-iani 20-nik ukiulimmut peqqarniitsumik saassussinerat akiniaanermik pissuteqarsorineqarpoq.
Unnerluutigineqartut eqqartuussinerup ingerlanerani imminnut pisuuteqattaapput. Eqqartuussiviulli uppernarsaatissaqarnerarpaa sisamaallutik peqatigiillutik saassussisimasut.
AAMMA ATUARUK Angutit sisamat toqutsisimasutut unnerluutigineqartut
Unnerluutigineqartut ilaata ullumikkut 20-nik ukioqartup saassunneqartumit nakorsaammik ketaminimik tunineqarsimanera unnerluussisussaatitaasut saassussinermut pissutaasoraat.
Ketamin ilaatigut uumasunut ilisimajunnaarsaatitut atorneqartarpoq.
20-nik ukiullip ketaminitoriitsiarnermini niuni nukillaartoorutigai.
Unnerluussisussaatitaasullu naapertorlugit tamanna sakkortuupilussuarmik akiniaasoqarneranut pissutaavoq. Akiniaaneq 20-nik ukiullip inuuneranik akeqartoq.
Unnerluutigineqartut ilaata, angutip 42-nik ukiullip, eqqartuussinermi oqaatigaa unnerluutigineqartut allat pingasu unnummi saassussiffiusumi naapissimallugit.
Taanna naapertorlugu angut 19-inik ukiulimmut ketaminisititsisimanera pissutigalugu pillarniarlugu oqaluuserisimavaat.
Angutit pillaatissaata nalilerniarneqarnera Hjørringimi Eqqartuussivimmi januaarip 16-iani pissasoq naatsorsuutigineqarpoq.
/ritzau/
AAMMA ATUARUK Kalaallip Skagenimi toqutaanera pillugu suliami tigusaasoqaqqittoq
AAMMA ATUARUK Skagenimi toqutsineq sumiuussutsimut tunngassuteqanngilaq
