Peqatigiiffik Grønlandske Børn aningaasanik agguaavoq
Uummannami pinnguartarfik nutaaq, Maniitsumi meeqqanut aasami sisoraatit ujakkaarutit qulit, Illoqqortoormiuni tammaarsimaanermut aamma Nuummi meeqqanut ikiortarialinnut atuipiluttunik angajoqqaaqartunik, tamakku ilaannaraat peqatigiiffiup Grønlandske Børnip aningaasanik ikuiorsiissutaat.
Future Greenlandip januaarimi ataatsimiinnerani, Kalaallit Nunaanni suliffeqarfiit peqatigalugit aningasanik katersuisoqarpoq, tassalu taakku aningasat atorlugit agguaassisoqarluni.
Aappariit Kirsten aamma Bent Christiansen 100.000 koruuninik aamma tapiipput. Taakkulu tapiissutik silami susassaqartsitsinermut atortussatut aalajangiussaallutik.
- Illoqqortoormiormiuaqqanut tammaarsimaartitsinerput aamma Uummannami pinnguartarfimmik sanatitsinerput nuannaarutigaarput, tassami siunertaavoq meeqqat nukittorsarnissaat aammalu imminnut ataqqeqatigiilernissaat, aappariit Christensenikkut oqarput.
Kalaallit Nunaanni sisorartartut peqatigiiffiinut tapiissuteqarneq peqatigiiffiup Grønlandske Børnip siulittaasuata Tina Frausingip erseqqissarpaa.
- Sisorartartut peqatigiiffii meeqqanik sullissilluartuupput, inersimasut sullissisut meeqqanut maligassiuilluartuullutik aammalu peqatigiisitsillaqqissuullitik, Tina Frausing oqarpoq.
Aningaasanik taperneqartut ilagaat, Nuugaatsiarmiut niviarsiaqqat marluk Danmarkimi Friskolemut aallartinneqartut, tapiinerilli tamakku ilaannaraat:
- 450.000 koruunit missaanniittunik peqatigiiffipput agguaanneqarsinnaasunik aningaasaateqarpoq, maanna agguaanneqareersut peeraanni suli 200.000 koruuninik kingusinnerusukkut agguaanneqarsinnaasunik peqarpugut. Taakku meeqqanut immikkut pisariaqartitsisunut agguaanneqassapput, peqatigiiffimmit taama oqaluttuartoqarpoq.
