Peqatigiiffiit: Soraarnerusutisiassanut ajornartorsiutaasoq arlaatigut iliuuseqarfigineqassaaq

Sulisitsisut peqatigiiffiat suliatigullu peqatigiiffik soraarnerusutisiassanut pinngitsaaliissummik katersisoqarnissaanut inatsit ajornartorsiutaasut ataatsimoorlutik aaqqiiviginiarpaat.
Sulisitsisut peqatigiiffiat suliatigullu peqatigiiffik soraarnerusutisiassanut pinngitsaaliissummik katersisoqarnissaanut inatsit ajornartorsiutaasut ataatsimoorlutik aaqqiiviginiarpaat. Assi © : KNR
Allattoq Merete Lindstrøm
januaarip 17-at 2020 06:21
Nutserisoq Connie Fontain

Kalaallit Nunaanni Sulisitsisunit, SIK-mit Akileraartarnermullu Aqutsisoqarfimmit suleqatigiissitaq nutaaq innuttaasut qanoq ilillutik nammineerluta inatsit malillugu soraarnerussutisiassanik katersisinnaanissamut ikiorneqarnissaannik misissuissaaq.

- Kikkut akiliisannginnerannik misissuinernik suliaqassaagut, Kalaallit Nunaanni Sulisitsisut allaffeqarfiani pisortaq, Karsten Lyberth-Klausen oqarpoq.

Suleqatigiissitaq Kalaallit Nunaanni Sulisitsisut, SIK-p Aningaasaqarnermullu Naalakkersuisup Vittus Qujaukitsup (NQ) ataatsimiinneranni pilersinneqarpoq.

Innuttaasut sulisitsisullu inatsit nutaaq ajornartorsiutigigaat

Kalaallit Nunaanni Sulisitsisut SIK-lu sulisitsisunit innuttaasunillu aaqqiissuteqarnermik nutaamik paasinnissimanngitsunit saaffigineqaqattaaleruttorpoq, Namminersorlutik Oqartussallu malittarisassat nutaat pillugit paasisitsinerlussimanertik pillugu assigiinngitsunit isornartorsiorneqarput. Taamaammat SIK-p Kalaallit Nunaaanni Sulisitsisullu kikkut tamatuminnga ajornartorsiuteqalernerannik misissueriarlutik ilaasortatik ikiorniarsariniarpaat.

AAMMA ATUARUK 6000-it soraarnerussutisiassanut akiliinerussasut

- Tamanna paasigutsigu aaqqiissutissatut siunnersuuteqassaagut assersuutigalugu inatsisip suliniutilluunniit allat allanngortinneqarnissaannik pisariaqartitsisoqarpat, innutaasut taamaalillutik tamanna pillugu arajutsisimannginnerulissapput immaqa aamma sulisitsisut sulisumi soraarnerusutisiassanut akiliisarnissaannut ikiuussinnaanerulissallutik, allattoqarfimmi pisortaq oqarpoq.

Inunnut paasissutissiisoqarnerussasoq

Sulisitsisut inatsimmik nutaamik atuutsitsinissaminnut ajornaatsitsilernerulerniassammata Kalaallit Nunaanni Sulisitsisut ilaasortaminnut qaammarsaapput, tamannali iluatsilluarsimanngimmat innuttaasut 6000-init amerlanerusut soraarnerusutisiassanut ileqqaagaqalersimanngillat imaluunniit akiliisarnissamut piumasaqaammik malinnissimanngillat. Taamaammat ilaasortanut qaammarsaaneq nanginneqassasoq, Karsten Lyberth-Klausenip naqissuserpaa.

AAMMA ATUARUK Soraarnerussutisiaqarnissamut aaqqissuussineq SISA-mit aqunneqassasoq

- Taamaalioqqinniarunarpugut, taamaammat qaammarsaassaagut. Namminersorlutik Oqartussat qaammarsaaniarunarput. Innuttaasutut eqqugaasutut qanoq iliortoqarsinnaanersoq, allattoqarfimmi pisortaq oqarpoq.

Aamma atuaruk