Partii Inunni pilersitseqataasoq tunuarpoq
- Partiip aaqqissuussaasumik ingerlanneqarneranut tunngatillugu paasissutissanik ujartuigaluarneq, soorlu naatsorsuutinik missingersuutinik ujartuigaluarneq, kinguneqanngimmat, partiillu siulersuisui ulluinnarnilu ingerlatsisui imaqarnilianik sulinerannillu ujartuisaraluarneq kinguneqanngimmat, tunuarnera nalunaarutigissavara, Markus E. Olsen, tusagassiuutinut ilaatigut allappoq.
Partiimi sukumiisumik tamakkiisumillu nalilersueqatigiinnissamik isumasioqatigiinnissamillu kissaateqarnerit tusaanngitsuusaarneqartuarmata, partiimik pilersitseqataasoq tunuarniuteqarpoq:
- Taamaammat isumaqarpunga partiip siuttua aammalu Naalakkersuisuni ilaasortaatitaq nammineerlutik tunuartinnagit - naalakkersuisoqatigiinnermi ingerlaannarsinnaanerat qularnarluinnartoq; partiimi maanna qimuttutuaavoq Inatsisartuni ilaasortaq Randi Broberg, qimukkunnaarpallu partii oqaluttuaannanngortussaalluni, Markus E. Olsen naggasiivoq.