Panda Odensep uumasuusivianit qimaasoq
Odensep aqquserngani pandap aappaluttup ingerlaarnera allanarluinnarpoq.
Politiit panda orpimmut qimaatippaat uumasullu nakorsaa takkukkami panda silaarunnartumik aallaavaa. Panda tamatuma kingorna Odensemi uumasuusiviliaanneqaqqippoq.
Allattoq Ritzau
januaarip 16-at 2020 12:06
Immaqa quisaaruterpalaarsinnaavoq, tamannali piviusuuvoq. Fynip Politiivi panda angalaannartoq pillugu Odensemi uumasuusiviup eqqaani, Sønder Boulevardimi najugalimmit ippassaq unnukkut danskit nalunaaqutaat naapertorlugu 22.44 sianerfigineqarput.
Uumasuusiviup pandaataa aappaluttoq aqqusinermi nalinginnaasumik ulapaarfiulluinnartumi biilit akornatigut ingerlaarsimasoq, Fynip Politiviisa pingaartuat paasissutissiivoq.
Politiit panda orpimmut qimaatippaat uumasullu nakorsaa takkukkami panda silaarunnartumik aallaavaa. Panda tamatuma kingorna Odensemi uumasuusiviliaanneqaqqippoq.