Panda Københavnimi uumasuusivimmit qimaasoq

Københavnimi uumasuusivissuarmi pandat marluusut aappaat qimaasimasoq, Zoologisk Havep nalunaarutigaa.

Uumasuusivissuarmili paarsisut ilaata tamanna paasivaa, pandarlu ilisimajunnaartitsisumik aallaaneqarpoq, inaanullu utertinneqarluni.

Pandaq napasoq aqqutigalugu qimaasinnaasimasoq uumasuusivissuup pisortaata Bengt Holstip oqaatigaa.

Pandaq uumasuusivissuup iluani angalasinnaasimavoq, ilisimajunnaarsinneqariarlunili inigisaanut utertinneqarsinnaalluni.

AAMMA ATUARUK Pandat Danmarkimut ullumikkut tikiunneqassasut

- Soorunami taamaalisoqaqqissanngilaq, taamaalisoqaqqinnginnissaalu pillugu iliuusissat maanna misissussavagut, Bengt Holst, tusagassiutinut nalunaarummi taama ilaatigut allaaserisaqarpoq.

Pandaq qimaanermi ajoqusinngilaq.

Panda pineqartoq tassaavoq Xingimik ateqartoq, Kinallu Danmarkimut atortissimasaata marluk aapparalugu. Pandap aappaa Mao Sun qimaaqataanngilaq.

Kinap naalagaaffinnut allanut attaveqarnermut pandanik nunanut allanut atortitsisarneq ileqqqoraa.

/ritzau/