Paasissutissat: Nunatsinnut angalasut tamakkiisumik akiuussuserneqarsimassasut Sisimiunilu malittarisassat nutaat

Corona pillugu malittarisassanik nutaanik ullorluunnit ataaseq qaangiutinngitsoq saqqummertoqartarpoq.

Ullumikkut aamma saqqummertoqarpoq.

Nakorsaanerummi Henrik L. Hansen oqarnera naapertorlugu – nunatsinni sumiiffiit ilaanni – ”tuniluuttoqarnera ilungersunarluinnarpoq”.

Upernavimmi nunaqarfimmi Tasiusami Aasiannilu juulip qiteqqunneraniillu tuniluuttoqarneratulli Sisimiuni aamma tuniluuttoqaqqilerpoq.

AAMMA ATUARUK Tunillatsittut amerliartupiloortut killilersuinerillu sivitsorneqartut

Taamaammat Upernavimmi, Upernaviup pigisaani Aasiannilu corona pillugu killilersuinerit sivitsorneqarput. Nutaatullu taakku Sisimiuni ullumikkumit aamma atuutilerput.

Tamatuma saniatigut nunatsinnut angalasut tamarmik, nunatsinni najugaqanngikkunik tamakkiisumik kapitissimassasut partiit siulittaasuisa tamarmik ullumi aalajangeraat, Naalakkersuisut siulittaasuat, Múte B. Egede (IA) oqarpoq.

Danmarkimeersunut malittarisassat nutaat aaku:

• Danmarkimit nunatsinnut angalassavit, nunatsinnilu najugaqarnak? Taama tamakkiisumik akiuussuserneqarsimassaatit. Kastrupimi coronamik tunillatsissimannginnermut uppernarsaammik takutitsinissaq kisimi naammakkunnaarpoq.
• Taanna marlunngorneq aggustip ulluisa qulinganit aggustip ulluisa 24-anut atuutissaaq.

Sisimiunut malittarisassat nutaat

• Sisimiuni inuit amerlanerpaamik 20-t katersuussinnaapput. Illoqarfimmi tamanit ornigarneqarsinnaasuni tamani qanermut assiaquteqassaatit.

Upernavimmit nunaqarfiinit, Aasiannit Sisimiuniillu angalasussanut malittarisassat nutaat

• Pisortat assartuussissutaanut ilaassaguit tamakkiisumik kapitissimassaatit, imaluunniit coronamut misissortissimanermut uppernarsaammik, nal. 48-t inorlugit pisoqaassusilimmik  takutitsisinnaassallutit. Taamaallaat marloriarlutit akiuussutissamik kapitissimaguit, imaluunniit ullut unnuallu marluk kingulliit ingerlanerini tunillatsissimannginnermut uppernarsaammik  takutitsisinnaaguit bussinut, timmisartumut imaluunniit angallammut attartukkamut ilaasinnaavutit. KISIANNI inuit illoqarfigisaminnut angalasut ilinniartulluunniit ilinniarfissaminnut angalasut uani ilaatinneqanngillat. 
• Taanna ullumimit aggustip ulluisa 24-ata tungaanut atuutissaaq.

• Tamakkiisumik kapitissimanngitsut, sumiiffinnit pingasuusunit aallartussat tamarmik, Kalaallit Nunaanni sumiiffimmut allamut tikinnerminni ulluni tallimani mattusimassapput.

Upernavimmut, Upernaviup nunaqarfiinut Aasiannullu malittarisassat

• Upernavimmut, Upernaviup nunaqarfiinut, Aasiannut Sisimiunulluunniit angalasimaguit nunatsinnilu najugaqaruit tikinninni angerlarsimaannassaatit. Ullullu tallimassaanni misissortinnivit tunillatsissimannginnerit takutippagu aatsaat suliartorsinnaavutit, atuariarsinnaavutit – imaluunniit inuunermut nalinginnaasumut uteqqissinnaallutit.
• Tamanna aggustip ulluisa 24-annut atuutissaaq.
• Upernavimmut, Upernaviup nunaqarfiinut, Aasiannut Sisimiunulluunniit angalasimaguit nunatsinnilu najugaqaruit tikinninni angerlarsimaannassaatit. Ullullu tallimassaanni misissortinnivit tunillatsissimannginnerit takutippagu aatsaat suliartorsinnaavutit, atuariarsinnaavutit – imaluunniit inuunermut nalinginnaasumut uteqqissinnaallutit.

• Nunatta sinnerani malittarisassat atuuttut uani atuarsinnaavatit.