Ove Karl: Periusissat pitsaanerpaat akuersissutigivagut
USA-p Norgellu itisuumi uuliasiorlutik qilleriunnaarnerat Ove Karl Berthelsenip susassarinngilaa.
juulip 21-at 2010 15:09
- Uuliamik ujaasinissaq nunatta inuussutissarsiornikkut ineriartornissaannut pingaaruteqarpoq, immamilu uuliasiornermik periusissat pitsaanerpaat akuersissutigisimavagut, aatsitassanut naalakkersuisoq Ove Karl Berthelsen oqarpoq.
USA Norgelu qillerivinni pioreersunik unitsitsinngitsut, Ove Karl Berthelsen erseqqissaavoq.
- Naalagaaffiit pineqartut uuliasiornerminni pioreersunik unitsitsinngillat, taamaallaat itisuuni misileraanissat unitsippaat. Barack Obamallu 150 meterinut killileeqqusinera sumik aallaaveqarnersoq oqaaseqarfigisinnaanngilara, kisianni
Kisianni qillerivinni pioreersuni 150 meterinit itinerusuni USA-p matusinissaa qularaara, tamannami Amerikamut kingunerlorujussuartussaammat, Ove Karl Berthelsen oqarpoq.
