Ove Karl Berthelsen: Pisoq ilungersunarpoq
Aatsitassamik olivinimik piiaffiup matusariaqarsinnaanera ilungersunartorujussuuvoq, Aatsitassanut naalakkersuisoq Ove Karl Berthelsen oqarpoq.
Allattoq Jaaku Lyberth
Olivinimik piiaaffiup ingerlaannarnissaa naalakkersuisunit kissaatigineqaraluarpoq. Piiaaffiup piginnittuisa Minelco A/S-ip siulersuisuisa isummerfigisussanngorpaat, aatsitassarsiorfiup piiaaffigineqarnera imminut akilersinnaassanersoq.
Olivinisiorfimmi sulisut 28-t nutaanik suliffittaarniarnissaat pillugu Qeqqatalu Kommunia Naalakkersuisunit oqaloqatigineqassaaq.
Sulisut qanoq iliuuseqarfigineqarnissaannut iliuusissanik nassaarnissaq Ove Karl Berthelsenimit neriuutigineqarpoq. Taanna aamma oqarpoq olivinisiorfiup allanit ingerlanneqarsinnaanera misissorneqartunut ilaasoq.