Osama bin Laden amerikamiut sakkutuuinit toqunneqarpoq

USA-p præsidentiata, Barack Obamap TV-kkut oqalugiarluni tamanna ullaaq uppernarsarpaa.
Allattoq Carla Davidsen
maajip 02-at 2011 04:15

Angut uumigineqaqisoq perulluliorsimaqisorlu, World Trade Centerimik Pentagonimillu septembarip ulluisa aqqarnganni 2001-imi sassussinermut akisussaasuusoq, Pakistanimi illoqarfiit pingaarnersaata, Islamabadip, silataatunginnguani illussaarsuarmi nassaarineqarpoq. Manna tikillugu ilimagineqarsimagaluarpoq, Osama bin Laden Afghanistanip Pakistanillu akornanni qaqqani aqqutissaarpianngitsuni toqqoqqasoq.

Amerikamiut præsidentiata oqarnera naapertorlugu, USA-mi isertortumik paasiniaasartuisa, CIA-kkut, Osama bin Ladenip toqqorsimaffia sumiiffia sapaatip-akunnerata ataatsip missaa qaangiummat tusarsimavaat. Sakkutuut nunamiittut eqqaassisuupput, saassussinerullu kinguninngua bin Ladenip timaa nassaarineqarpoq.

Osama bin Laden ilumut toqunneqartoq uppernarsarniarlugu assinga amerikamiut takutereerpaat. Nutaarsiassaq Barack Obamap TV-kkut oqalugiarluni tamanut tusarliutereeraalu inuppassuit nuannattut præsidentip Washingtonimi Illorsuata silataani katersuupput.

USA-p præsidentiata, Barack Obamap TV-kkut oqalugiarnera isiginnaaruk:

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq