Mozambiquemi Zimbabwemilu anorersuarujussuarnerani aseruatiternerpassuit
Afrikap kujasissortaani nunami Mozambiquemi anorersuarujussuarpoq, Mozambiquellu illoqarfiisa annersaasa ilaanni Beirami illut 90 procentiisa missaataseruatitersimallutik.
Allattoq Ritzau
marsip 18-at 2019 07:57
Nutserisoq Mads Lynge
Kiattup anorersuarujussua Idai Mozambiquemut Zimbabwemullu annguppoq inuillu 138-t ajunaarlutik..
- Aseruatiternerit annertupput, pissutsillu ilungersunarput, ikiuiniaqatigiffiup Røde Korsip nalunaarutigaa.
Zimbabwemi nunap immikkoortua eqqorneqartoq tikinneqarsinnaasimanngilaq, sialussuarlunilumi akunnermut 170 kilometeritut sakkortutigisumik anorersuarnera pissutalluni aqqusernit matusimapput.
- Mozambiquemi aatsaat taama ajunaarnersuaqartigigunarpoq. Aseruatiternerit ingasapput, Mozambiquep avatangiisinut ministeria Celso Correia oqarpoq.
Aqqusernit, illut ikaartarfiillu kuugussaasimapput, innaallagissamillu pilersuineq ajalusoorluni, attaveqaqatigiinnermullu atortut aamma aserorsimallutik.
