Oqartussat akuerereersimavaat
Flemming Knudsen Paaviaaraq Heilmannilu nammineerlutik siulersuisuni, marsi 2007-mi 14 millioni koruuninik soraarnermi ajunngitsorsiassarsinissaq pillugu aalajangiisuni peqataasimanerat, sapaatip akunnera kingullermi oqaluttuaraarput.
Taamaattorli Knudsen Heilmannilu siulersuisuni ataasimiinnerup nalaani, atorfimmut isumaqatigiissutissaat siulersuisunit suliarineqalermata ataatsimiinnermit peqataajunnaarsimapput.
Siulersuisulli, Royal Greenlandimi pisortat atorfimmut isumaqatigiissusiaanni allaqqasut, namminerlu piumassutsiminnik soraarunik millioninik ajunngitsorsiarsinissaat, kisimiillutik aalajangersarsimanngilaat. Taamani Royal Greenlandimi siulersuisuni siulittaasup tulliusimasoq, Sven Lyse oqaatigaa, Royal Greenlandip piginnittui, taamanikkut Namminersornerullutik Oqartussat Siulersuisuni siulittaasup tullerisimasaa Sven Lyse oqarneratut, Royal Greenlandimik piginnittut - taamanikkut namminersornerullutik oqartussat- piginnittuunertik atorluarlugu aalajangigassanut sunneeqataasimapput:
- Piginnittup matumani qanoq inissisimanerat aamma eqqaamasassaavoq. Suliffeqarfiup piginnittumi piumasai malinniartussaavai.
Sven Lysellu oqaatsini annertunerusumik itisilerumanagit, siulersuisuni siulittaasoq piginnittullu akornanni oqaloqatigiinneqarsimanera uppernarsarpaa.
- Aap, siulittaasoq piginnittorlu akornanni oqaloqatigiinneqarpoq.
Sven Lyse oqarpoq nassuiaallunilu pisortat ukiuni arlalinni aalajaatsuunissaat anguniarlugu ajunngitsorsiassaqartinneqarsimasut:
- Aningaasat ajunngitsorsiassatut tunniunneqarput, qullersaqarfimmiut atorfitik sivisunerusumik atorfigerusunniassammassuk, Sven Lyse oqarpoq.
Aperineqaramilu Royal Greenlandip aningaasatigut ikiortariaqarnera siulersuisuni ilisimareersimasuugunikku, pisortat taakku ajunngitsorsiarsisimassagaluarnersut. Sven Lyse ima akivoq:
-Naamik, taamaattoqarsimanavianngikkaluarpoq.
Nassuiaavorlu siulersuisut ajortumik isumaqarnatik pisimasut, Royal Greenlandilu ajunngitsumut ingerlajartorsorisimagaat.
Siulersuisuni siulittaasuusimasoq Peter Grønvold Samuelsen siulersuisunilu ilaasortaanermini aalajangiinermi peqataasimasut Finn Meinel aamma Paneraq Olsen oqaaseqarumasimanngillat.
