Oqartussaaqataaneq annertusarniarneqarpoq
Tamannalu piviusunngortinniarneqarpoq Aqutsinermut Inatsit allanngortinneqarluni siunnersuisooqatigiinni ilaasortaasartut akissarsiaqartinneqarsinnaalernissaat Inatsisartuni marsip qaammataani aalajangiivineqareerpat:
- Tassalu tassanngaanniit qanoq iluseqarsinnaanera piareersarlugu aallartissuarput. Uanga nammineq naatsorsuutigivara immaqa kommunalbestyrelsep nutaap nammineerluni aalajangissagaa qanoq inuttalersugaasinnaanera, Qaasuitsup Kommuniani borgmesteri Jess Svane oqarpoq, nangillunilu:
- Assersuutigiinnarlugu aqquserngit, meeqqerivinnut atuarfinnullu tunngasut toqqaannartumik aalajangersaavigineqanngikkaluarlutik eqqartorneqarsinnaapput. Taamaalilluta immaqa arajutsisinnaasarpassuagut taakkunanngaanniit immersorneqarnitsigut takusinnaalersinnaassangaluaratsigit aamma, Jess Svane oqarpoq.
Qaasuitsup Kommuniata illoqarfiini siunnersuisooqatigiittut inissittut qanoq katiterneqassanersut aammalu qanoq suleriuseqassanersut suli inissinneqanngilaq, kisianni:
- Qanimut oqartussaaqataanerup, imatut oqaasertalertarnerani: Oqartussaaqataaneq tammarpoq! - Taassuma illuatungaanut saatinniarnissaanik pilersitsiniarneq tunngaveqarpoq, Jess Svane oqarpoq.
