"Oqarit" siarngutsitseqaaq
KNR-TV-kkut aallakaatitsinermi malittarineqarput inuusuttuaqqat arlaqaaluttut. Taakku imminortarneq qanimut misigisimavaat. TV-kkut aallakaatitsereernerup kingorna, radio-kkut oqallinneq aallartimmat, inuusuttuniit utoqqarnut peqataarusullutik siarngupput, taakku ajortunik ajunngitsunillu misigisimasaminnit oqaluttuassaqaqaat, aallakaatitassiami aqutsisoq, Pipaluk Kreutzmann Jørgensen oqarpoq.
- Maanna paasivarput aallakaatitassiatta siunertaa ajunngitsuusoq. Isiginnaartartutsinnut tusarnaartutsinnullu periarfissiivugut, ajornartorsiutiminnik ammasumik oqariartorfigisinnaasaannik, minnerunngitsumik ajornartorsioreernerup kingorna qanoq ingerlariaqqissimanerminnik oqaluttuarfiusinnaasumik, Pipaluk Kreutzmann Jørgensen oqarpoq.
Radio-kkut aallakaatitsinermi sianerlutik annguttunut ilaanngikkuit, periarfissaqarputit knr naggat gl-kkut allallutik oqalliseqataanissarnut imaluunniit aallakaatitassiortut allaffigisinnaavatit nittartakkakkut knr naggat gl-kkut.