Oqarasuaatinik angallattakkanik tillitanik tuniniaasoqarsinnaanera politiit mianersoqqussutigaat

Tillinniat pisiniarfiup igalaava arfininngormat unnuakkut aserorsinnarlugu oqarasuaatit angallattakkat arlallit tillissimavaat.Tillitanillu tuniniaasoqarsinnaanera politiit taamaammat mianersoqqussutigaat.

- Nioqqutissamik pisiarineqarneranut uppernarsaatitaqanngitsumik pisinerup kingunerisinnaasai eqqarsaatigilluarneqartariaqarput, politiit taama allapput.

Pinerluttulerinermi inatsimmi paragrafi 111 innersuussutigalugu politiit erseqqissaateqarput, tillitamik pisinermi pillarneqarluni akiliisitaasoqarsinnaasoq.

Tillinniat unitsilik ! Qujanaq
Pisiniarfiup ulluinnarni aqutsisua Otto Martinsen pisiniarfiup Facebookimi quppernerani, Panasonic Center Nuuk, oqaluttuarpoq oqarasuaatit angallattakkat tillinneqarsimasut tassaasut Samsung Galaxy S5, S5 Mini aamma S3 Mini.

- Mobilinik tuniniaasoqarpat kvitteringeqanngitsunik pisiarissanngilasi,Otto Martinsen Facebookimi taama allappoq.

§ 111: Tillitanik atueqataanermut eqqartuunneqassaaq kinaluunniit iluanaarutinik inatsisinik unioqqutitsinikkut,
pinerluttulerinermi inatsisitigut akisussaatitaanermik kinguneqarsinnaasukkut, pissarsiaasimasunik taamaaliortussaanani tigusisoq imaluunniit pissarseqataasoq allanilluunniit pissarseqataatitsisoq, aamma kinaluunniit taamaaliortussaanani toqquinermigut, paarinninnermigut, angallassinermigut, tuniniaanermut ikiuunnermigut imaluunniit taakku assigisaannik iliuuseqarnermigut inuup allap iluanaarutinik pinerlunnermiit, pinerluttulerinermi inatsisitigut akisussaatinneqarnermik
kinguneqarsinnaasumiit, pissarsianik pissarsinissaanik kingusinnerusukkut qularnaarisitsisoq.