Oqarasuaat angallattagaq atorlugu ikissutissamik pissarsisinnaalerputit
Oqarasuaat angallattagaq internettimut attavilik qarasaasiarluunniit angerlarsimaffimmiittoq atorlugu timmisartumut ikinissamut uppernarsaammik pissarsisimagaanni, utaqqinani toqqaannartumik nammineerluni tunniussisarfikkut tunniussiartortoqarsinnaavoq.
Angalasup isumagisassatuaa tassaavoq oqarasuaatikkut angallattakkakkut internetsimut attavilikkut Air Greenland-ip nittartagaanut iserneq.
Timmisartumut ikinissamut uppernarsaat oqarasuaammiippat oqarasuaat mittarfimmut nassaannarneqassaaq. Timmisartumut ikinissamut uppernarsaat aallalernermi aniffissami isumannaallisaanermullu atatillugu misissuinermi - timmisartumut ikitinnani scanneri atorlugu assilineqarfissaanni- takutinneqassaaq. Timmisartumut ikinissamut uppernarsaammik pissarsinerup saniatigut nittartakkami angallattakkami aamma tikiffissanut-, aallarfissanut-, nassiussanut- issiavissanillu inniminniisinnaanermut tunngasut periarfissaapput.
Aallarnissaq nal. ak. 22-iniit nal. ak ataaseq sioqqullugu oqarasuaatikkut angallattakkakkut timmisartumut ikinissamut uppernarsaammik pissarsisoqarsinnaavoq. Tigummisassaannarnik nassataqaraanni, aallarnissaq kingusinnerpaamik min. 30-inik sioqqullugu takkutereersimanissaq piumasaqaataavoq. Nassataqaraanni aallarfissaq kingusinnerpaamik nal. ak. ataatsimik sioqqullugu takkutereersimanissaq piumasaqaataavoq.
Angallattakkamik internetsimut attavilimmik oqarasuaateqanngikkuit saaffiginnittarfimmi pisattanik tunniussinissaq timmisartumullu ikinissamut uppernarsaammik pissarsinissaq suli periarfissaavoq.