Oqaatsit pillugit inatsit oqallissutigaat
Arnaq Grove oqaatsit pillugit inatsit pillugu oqallittoqarnerani, Danmarkimi suliniaqatigiiffiup Det Grønlandske Selskabip aaqqissugaanni ippassaq unnukkut pisumi peqataavoq.
- Oqaatsit pillugit inatsisip pilersaarusiorneqarnerata amigaateqarnera pissutaalluni nunatsinni naammattunik piginnaasaqartunik nutserisinnaasunik amigaateqarpoq, uuliasiornerit aatsitassanillu piiaanerit ingerlanneqaleruttorfiisa nalaanni, Arnaq Grove oqarpoq.
Meeqqat atuarfiini ilinniarnertuunngorniarfinnilu kalaallit oqaasii pillugit ilinniartitsisarneq Arnaq Grovep sakkortuumik isornartorsiorpaa, kinguaariit arlaqartut kalaallisut oqaaseqatigiiliortarnerat ajorluinnarmat.
Tamanna tusagassiorfimmi malugineqarsinnaavoq, kalalallit oqaasiisa atorneqarnerat amigaateqarpallaarmat, Arnaq Grove ilaatigut taama oqarpoq.
Kalaallit oqasii pillugit, oqallittarnerit ilaatigut nipaaruttarnerat Arnaq Grovep maluginiarpaa.
Ajornartorsiutip sammineqarnerulernissaa anguniarlugu, ippassaq unnukkut oqallittoqarnerani peqataamasimavoq.
Oqaatsit pillugit inatsisip oqallisigineqarnerani, Arnaq Grovep saniatigut peqataapput atuakkiortoq Iben Mondrup aamma Oqaasileriffimmi siunnersortip pisortaa Per Langgård
