Oqaannarluni naammanngilaq

Nanubørnip tv-kkut aningaasanik katersuiniarnersuani, sapaatit akunneri pingasut matuma siornagut pisumi, tapiissuteqarniarlutik sianertut pingajorarterutaasa, aningaasat tunissutiginiakkatik aningaaserivimmi kontomut suli ikisimanngilaat.
Allattoq Elisa Isaksen
marsip 19-at 2010 04:38

Tamanna katersuiniarnermik aaqqissuisut aviisimi Sermitsiami, peqataasunut tunissuteqartunullu qujassuteqarlutik ilanngussaanni, takuneqarsinnaavoq.

Taamaattorli Nanubørnimeersut eqqaasitsissutigaat, tv-kkut aallakaatitamut sianerluni aningaasanik qanoq amerlatigisunik tunisiniarluni nalunaaruteqarneq naammanngimmat. Tassami aningaasat tunissutiginiakkat aningaaserivimmi kontomut nammineerluni ikineqartussaammata! Taamami pisoqanngippat tunissutiginiarlugit nalunaarutigineqartut iluaqutaanavianngimmata.

Tv-kkut katersuiniarnermi februaarip 26-anni pisumi, inuppassuit tunissuteqarniarlutik sianerput, aaqqissuinerlu naammassimmat aaqqissuisut nalunaarput Nunatsinni meeqqat ornittagassaannut atugassanik katersuiniarnermi aningaasat millionip affaa sinnerlugu amerlassusisslit katersorneqartut.

Aaqqissuisut naatsorsuutigaat katersuiniarnerup inernera apriilip qulingata missaani nalunaarutigisinnaassallugu.

Aaqqissuisut neriuutigaat, taamanikkussamut februaarip 26-anni aningaasanik tunissuteqarniarlutik neriorsuisut tamarmik, tunissutiginiakkatik aningaaserivimmi kontomut ikereersimassagaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq