Politikki

Olsvig: Naalakkersuinikkut ingerlatsilluartoqarsimanngilaq

Aningaasaqarnermut Naalakkersuisoqarfiup kisitsisaataasa saqqummiunneqaqqammersut, illuatungiliuttut siuttuannit Sara Olsvigimit, Inuit Ataqatigiinneersumit, isornartorsiorneqangaatsiarput, naalakkersuisuugallartut apeqquserneqarlutik.

Sara Olsvig var ikke i Nuuk men i Paamiut.

Allattoq Nauja Møller, Niels Krogh Søndergaard

novembarip 26-at 2014 15:07

Nunatta karsia ukiup sisamararterutaata pingajuanni 282 millionit koruuninik amigartooruteqarpoq. Nunattalu karsiata ukioq naatinnagu 20 millionit koruuninik sinneqartooruteqarnissaanik siunnerfeqarnerup eqquutsinneqarsinnaanissaa taamaasilluni ajornakusoorsinnaassaaq, soorlu maanna naalakkersuisuugallarut aappaagumut aningaasanut inatsisissatut siunnersuutaanni tamanna atuarneqarsinnaasoq.

Aamma atuaruk Nunatta karsia milliardip sisamararterutaanik amigartooruteqarfiusoq

Aamma atuaruk UPPERNARSAATIT Nunatta karsia taama amigartooruteqartigaaq

- Una, ajoraluartumik inerniugallartoq, takusinnaavarput suminngaanneernersoq. Takusinnaavarput naalakkersuinikkut ingerlatsilluartoqarsimanngitsoq. Aammalu takusinnaavarput massakkut naalakkersuinikkut aaqqiisoqanngippat, nunatta aningaasaqarniarnera aaqqikkuminaattorujussuussasoq.

-Taamaammat oqaatigerusuppara massakkut pisariaqartoq naalakkersuinikkut ingerlatsillualernissaq, Inuit Ataqatigiit siulittaasuat Sara Olsvig KNR-imut oqarpoq.

Nunatta aningaasaqarniarnerata killiffia, Aningaasaqarnermut Naalakkersuisuugallartup Vittus Qujaukitsup, tusagassiortunik katersortitsinermi ullumikkut nalunaaqutaq pingasunut pisumi, saqqummiutileruttorpaa, tamannalu pillugu ilanngutassiisinnaanissarput naatsorsutigalutigu.