Politikki

UPPERNARSAATIT Nunatta karsia taama amigartooruteqartigaaq

Aningaasanut inatsit naalakkersuisooqatigiit naatsorsuutigisaattut ukioq naatinnagu sinneqartooruteqarfiussappat koruunit milliardip sisamararterutaat sinnerlugit pissarsiarineqartariaqassapput.

Allattoq Niels Krogh Søndergaard

novembarip 26-at 2014 13:10

Nunatta karsiata inissisimaneranik septembarip qaammataani misissuinerup inernerani saqqummiunneqaqqammersumi tamanna atuarneqarsinnaavoq.

Aningaasaqarnermut naalakkersuisoqarfiup septembarip qaammataani missingersuutinik misissuinera, aningaasaqarnermut naalakkersuisup Vittus Qujaukitsup (S) aningaasaqarnermut ataatsimiititaliamut maannamut tunnikkusussimanngisaa avammut saqqummiunneqaqqammerpoq.

AAMMA ATUARUK Nunatta karsia milliardip sisamararterutaanik amigartooruteqarfiusoq

KNR-ip allagaatinik takunninnissamik piumasaqaateqarnera naalakkersuisoqarfiup nalunaaqutaq 11:21 akissuteqarfigaa. Mailikkullu akissummut kakkiunneqarsimavoq missingersuutinik malittarinninnerup inernera Inatsisartunut apuunneqartussaq, atuarneqarsinnaasullu nuannerpallaanngillat.

Naalakkersuisoqarfik ima allappoq:

"2014-imi septembarip qaammataata naanerani DAU-mi angusat 248,8 millioninik amigartooruteqarfiupput. Tamannalu 2014-imut tamarmut DAU-p 51,4 mio. koruuninik amigartooruteqarfiunissaanik missingersuutigineqartumit annertunerungaatsiarpoq.

DA-mi angusat aamma 281,8 mio. koruuninik amigartooruteqarfiupput, DA-mi amigartoorutissatut missingersuutigineqartunit 127,1 mio. koruuniusunit annertunerungaatsiarlutik.”

Vittus Qujaukitsoq (S) nunatta aningaasaqarnera pillugu aammalu kisitsisit saqqummiunneqartut ilungersunartut nutaat pillugit Qanoruumi unnugu nassuiaatinneqassaaq.

Aamma atuaruk IA-p Demokraatillu amigartoorutissat saqqummiuteqqugaat

Aamma atuaruk Tupatortartut imigassartortartullu ikinnerummata nunatta karsia amigartooruteqarpoq

Aamma atuaruk Vittus Qujaukitsoq: Nunatta karsia amigartooruteqassaaq

Aamma atuaruk GA-p Vittus Qujaukitsoq akissuteqaqqugaa

Aningaasaqarnermut naalakkersuisoqarfiup missingersuutinik malittarinninnera tamakkiisoq ataani atuarneqarsinnaavoq: