Olsvig isumaginnittoqarfimmut aningaasaliinerorusuppoq
Naalagaaffiit Peqatigiit Meeqqat pillugit Isumaqatigiissutaat Nunatsinni ilanngunneqassappat ukiumut 500 millionit koruunit tungaanut akeqassasoq, misissuinerup takutippaa.
Isumaqatigiissullu malinneqassappat meeqqanik inuusuttunillu sullissinissamut aningaasaliissuteqarnerunissaq pingaaruteqartoq, Sara Olsvig allappoq.
Aamma atuaruk Meeqqat pitsaanerusunik atugaqartinnissaat akisussasoq
- Peqqissaartumik misissueqqissaarnerup takutippaa, meeqqanut inuusuttunullu oqartussaaffik immikkut isiginiarneqartariaqartoq ukiunilu tulliuttuni suliassani salliutinneqarluni. Pinaveersaartitsinissamut suliniutit periusissallu nutaat pisariaqarput, piaarnerpaamillu aallarnisarneqarnissaat pingaaruteqarpoq. Taamaasiornikkut meeqqat tamarmik toqqissisimasumik peroriartornissaat qulakkeerneqarsinnaavoq.
Isumaginninnermut naalakkersuisoq Sara Olsvig taama allappoq.
Inuit Ataqatigiinneersup Aqqaluaq B. Egedep aappaagumut aningaasanut inatsisissaq suliarileruttorpaa.