Olivenisiornerup ammaqqinnissaa misissorneqarpoq
Maniitsup kujataani Seqinnersuusaami olivin-imik piiaaneq aallarteqqissagunalerpoq. Olivinimit piiaaneq 2009-mi unitsinneqarpoq ukiuni sisamani piiaareersorlu. Ammaqqinnissaanut isumaqatigiinniarnerit aallartinnginneranni, Nammisorlutik Oqartussat suliffeqarfisuarlu piiaanermi ingerlatsisuusimasoq svenskinit pigineqartoq, Minelco maanna oqaloqatigiillutik aallartipput, aatsitassarsiorfiup siunissaa pillugu.
Allattoq Apollo Jeremiassen
juulip 22-at 2011 06:40
Kattusseqatgiit Partiiata Inatsisartunut ilaasortaatitaata, Knud Fleischerip paragraf 37 malillugu apeqqutaata, Naalakkersuisut Siulittaasuata Kuupik Kleistip akissutaani tamanna erserpoq.
Knud Fleischerip apeqqutigaa Nunarput suliffeqarfissuarlu olivinimit piiaanermi aningaasanik iluanaaruteqarsimanersut.
Olivinimit piiaanermi iluanaarutit hurraarutissaanngillat. Ukioq ataaseq eqqaassanngikkaanni, tassalu 2008. Ukiumi tassani ilunaaruteqartoqarsimavoq ukiunili allani amigartoorutaalluni ingerlanneqarsimalluni, soorlu ukioq kinguleq piiaanermi amigartoorutit 230 million koruuniusimallutik.
Naalakkersuisut siulittaasuat, Kuupik Kleist akissuteqarnermini taama ilaatigut allappoq.
