Ole Dorph: Siumut kisimiissinnaagaluarpoq
- Siumut ima qinigaatitaqartigaaq allaat piumagutta kisimiilluta ingerlatisinnaalluta. Kisianni ileqqorissaarnerup aqqani partiit qinigaatitaqartut allat ullaatungaa oqaloqatigissavagut, Qaasuitsup Kommuneani borgmesterinngortussaq, Ole Dorph KNR-imut taama oqarpoq.
Inuit Ataqatigiit kommunalbestyrelsemi tallimanik issiatitaqalersut Atassut pingasunik issiatitaqalerpoq. Demokraatit Kattusseqatigiit Partiiallu isertitaqanngitsoorput.
Ole Dorphip naatsorsuutigaa partiinik allanik isumaqatigiinniarneq ullaatungaa tamakkerlugu ingerlanneqassasoq.