Martin Møller - OL-imut anngunnissara siunertaraara

Italiami World Cupimik arfininngornermi unammisoqarmat Martin Møller normu 79-nngorluni apuuppoq, taamaalilluni Martin Møllerip OL-mut peqataanissamut danskit OL-mut ataatsimiititaliaata piumasaqaatai anguvai.

Martin Møllerillu angusani nuannaarutigaa:

- Ajunngeqaanga piffissamimi sivusuumi sukataarpunga unammeqataaneralu naammassigakku tamanna pitsaalluinnarpoq, Martin Møller KNR-imut sapaammi taama oqarpoq.

Ujakkaartartullu angusarissaarnissani ilimagereersimavaa. Sukataanissaminullu naggataatigut imminut piumaffigisimalluni.

Sakkortuumik sungiusarnissaq tullinnguuttoq
Martin Møller Nunatsinnut ataasinngornermi utissaaq - sungiusarnissanilu aallatissavaa januarimilu Europami sungiusariassalluni aamma pilersaarutigaa.

Martin Møller 2014-imi OL-ertoqarmat peqataavoq 2018-imullu peqataanissaminut suli pitsaanerusumik angusaqarnissi siunertaralugu anngulluni.

Pyeongchangimi OL-ertoqarnissaanut atatillugu peqataasussanik pisortatigoortumik jannuaarip arfernani toqqaasoqassaaq, aatsaallu tamanna pereerpat Martin Møllerip visitkortiminut 2018-imi OL-ernissamut peqataanissi allassinnaagussavaa.

Martin Møllerili OL-imut peqataanissamut qulanngilluinnarpoq.