OL-imi peqataaneq inuusuttunut timersortartunut maligassiuisoq
- Taamatut peqataatitaqarnerput pingaaruteqartorujussuuvoq, timersornerup ingerlanneqarnera nunatsinni taamaasilluni saqqummilaarnerulerpoq aammalu nunatta iluani saqqumilaarnera taamatut angusaqarnera soorunami maluginiarneqartorujussuuvoq timersornerup iluani, siulittaasoq Malik Hegelund Olsen oqarpoq.
Martin Møller Siornatigut 2014-imi Olympiadertoqarnerani Ruslandimi Sochimi aamma peqataavoq.
AAMMA ATUARUK Piareeqqavunga
Peqataasimaneralu nunatsinni timersortartut anguniagaqarnerulernerannik angusaqarsinnaanermillu upperinninnerulernerannik kinguneqartoq, Elite Sport Greenlandimit maluginiarneqarpoq.
- Kattuffipparujussuit suliniutiminni nunatta avataani imaqaluunniit nunatsinnut unammiartortitsinerit allaninngaaniit peqataaffigineqartut isiginiarnerujussuanngornikuuaat, Malik Hegelund Olsen oqarpoq. Nangillunilu:
- Malunnarpoq timersornerup iluani anguniagassat annertuut anguneqarsinnaasut ilisimaneqarnerulernikoq anguniagaalernikorlu timersoqatigiinni assigiinngitsuni.
AAMMA ATUARUK Elite Sport Greenland: Timersortartut piginnaasaqartut amigaatigaagut
Assersuutigalugu Amerikap nunavittaasa pissartanngorniuunnissaat PANAM, juunimi Nuummi pisussaq, nunatsinni assammik arsartartut kattuffiata aaqqissuutileruttorpaat.
OL-imi Korea Kujallermi Pyeongchangimi februaarip qulingiluaanni aallartittussami Martin Møller ujakkaarluni unammeqataassaaq.