Tysklandimi qarsutsinersuaqarneranit eqqugaasut 400 millioner euronik ikiorserneqartut
Tysklandimi qarsutsinersuaqarneranit maanna sapaatip akunnera qaangiuppoq, Tysklandillu forbundskansleriata Angela Merkelip pinasuartumik ikiorsiissutit ullumi pingasunngornermi akuerai .
Tyskit 400 millionit euronik tassa koruuninngorlugu 3 milliarder koruuninik ikiorserneqarput.
Flensborg aviisi taama allappoq.
AAMMA ATUARUK Tysklandimi qarsutsinersuaqarnerani inuit 156-it ajunaartut
Aningaasat ikiorsiissutit illunut aseruatiternerpaaffiusunut kommuninilu atortulersuutinut inunnullu ikiortarialinnut atussapput.
- Suliffeqarfinnik akiliisinnaajunnaartoqannginnissaa anguniarparput, CDU konservativineersoq aningaasaqarnermut ministeri Peter Altmaier Flensborg aviisimut oqarpoq.
Innuttaasut pigisaminnik tamanit annaasaqartut oqartussanit qanoq pitsaanerpaamik ikiorserneqarnissaat maanna apeqqutaalerpoq.
Tysklandimi qarsutsinersuaqarnerani inuit katillugit 170-it ajunaarput.
