Obama: Donald Trumpip præsidentiunini piviusulianik takutitsinertut isigaa

USA-p præsidentiata Donald Trumpip præsidentiunini piviusulianik takutitsinertut isigaa, sammineqarnissani anguniarlugu.

Præsidentiusimasoq, Barack Obama, USA-mi demokraatit pingasunngornermi ataatsimeersuarneranni taama oqarpoq.

AAMMA ATUARUK Michelle Obama: Donald Trumpip uivertitsinera Bidenip unitsissinnaavaa

Obamap Trump præsidentitut suliassaminik pimoorussisinnaannginnerarlugu isornartorsiorpaa.

- Donald Trumpip præsidentiunermini pisussaaffigimmagu tamat oqartussaanerannut ataqqininnermik takutitsinissaa nunarput sinnerlugu neriuutigisimagaluarpara, Barack Obama oqarpoq.

- Donald Trumpili akisussaaffimmik taama ittumik tigusaqarsinnaanngilaq saperamiuk, præsidentiusimasoq oqarpoq.

- Naalaarulunnivut piviusunngorput, nunani tamalaani tulluusimaarutigisatsinnik tusaamaneqarluarnerput ajalusoorujussuarpoq, suliffeqarfiutivullu tamat oqartussaanerannik pingaartitsisut aatsaat taama aarlerinartorsiortigipput, Obama oqarpoq.

AAMMA ATUARUK Joe Biden demokraatit præsidentimut qinigassanngortitassaattut toqqarneqartoq

Donald Trumpip Joe Biden præsidentimut novembarip ulluisa pingajuanni qinersinermi unammillertigissavaa. Joe Biden Barack Obamap 2008-miit 2016-imut præsidentiunerani præsidentimut tullersortaavoq.